Telangana: తెలంగాణ రాష్ట్రంలో విద్యార్థుల మధ్య పెరుగుతున్న ఒత్తిడి మరోసారి విషాద ఘటనకు దారితీసింది. మంచిర్యాల జిల్లా‌కు చెందిన ఇంటర్‌ విద్యార్థిని హనుమకొండలోని నయీంనగర్‌లో ఉన్న ఓ ప్రైవేట్ కళాశాలలో బలవన్మరణానికి పాల్పడింది.
Telangana: ఈ ఘటన ఆదివారం చోటుచేసుకుంది. తన చదువులో వెనుకబడిపోతున్నానని, తరగతులు అర్థం కావడం లేదని తీవ్ర ఆందోళనకు గురై సూసైడ్‌కు పాల్పడినట్టు భావిస్తున్నారు. ఆమె రాసిన సూసైడ్ నోట్‌ను పోలీసులు స్వాధీనం చేసుకున్నారు. అందులో, “నాకు క్లాస్‌లు అర్థం కావడం లేదు. చదువులో వెనుకబడిపోతున్నాను” అని పేర్కొంది.
తల్లిదండ్రుల అంచనాలు – మానసిక ఒత్తిడికి మూలం?
Telangana: విద్యార్థులపై అధిక అంచనాలు, గడువులు, చదువుపై ఒత్తిడులు మానసికంగా బలహీనతను కలిగిస్తున్నాయి. ప్రతీ విద్యార్థి తప్పకుండా డాక్టర్‌ లేదా ఇంజినీర్‌ కావాలని తల్లిదండ్రుల ఆకాంక్షలు విద్యార్థులపై ఒత్తిడిగా మారుతున్నాయి. ఇతరులతో పోల్చడం, తక్కువ మార్కులు వస్తే తీవ్రంగా తిడడం వంటి విషయాలు విద్యార్థులను మానసికంగా కృంగిపోకుండా చేస్తాయని నిపుణులు చెబుతున్నారు.
ఇది కూడా చదవండి: Fuel Price: ఇంధన ధరలు పెరగనున్నాయా? కేంద్ర నిర్ణయం, అంతర్జాతీయ ఉద్రిక్తతల ప్రభావం
పోలీసుల దర్యాప్తు కొనసాగుతోంది
Telangana: పోలీసులు కేసు నమోదు చేసి దర్యాప్తు చేపట్టారు. విద్యార్థిని గదిలో అపస్మారక స్థితిలో కనిపించగా వెంటనే ఆసుపత్రికి తరలించినా, అప్పటికే ఆమె మృతి చెందినట్లు వైద్యులు ధృవీకరించారు.
నిపుణుల హెచ్చరికలు, సూచనలు
Telangana: ఈ దుర్ఘటనపై విద్యా నిపుణులు, మానసిక ఆరోగ్య నిపుణులు స్పందిస్తూ, విద్యార్థులకు మానసిక మద్దతు ఇవ్వాలని, తల్లిదండ్రులు, టీచర్లు, విద్యాసంస్థలు విద్యార్థుల భావోద్వేగాలను గమనించాలని సూచిస్తున్నారు. చిన్నపాటి సమస్యలు కూడా పెద్ద ప్రమాదానికి దారితీయవచ్చని హెచ్చరిస్తున్నారు.
ఈ సంఘటన మరెన్నో కుటుంబాలకు హెచ్చరికగా నిలవాలి. విద్యా వ్యవస్థలో మానసిక ఆరోగ్యానికి ప్రాధాన్యం ఇవ్వాల్సిన అవసరం ఎంతైనా ఉంది.
