IRCTC: తరచుగా రైల్లో ప్రయాణిస్తారా? ఈ కార్డులు మీకోసమే

IRCTC: మన దేశంలో రైలు ప్రయాణం ఎక్కువమంది ప్రజల మొదటి ఎంపిక. ధరలు తక్కువగా ఉండడం, విస్తృత రైల్వే నెట్‌వర్క్ అందుబాటులో ఉండడం దీని ప్రధాన కారణాలు. కానీ తరచుగా రైలులో ప్రయాణించే వారు, కొన్ని ప్రత్యేక క్రెడిట్ కార్డుల ద్వారా అదనపు ప్రయోజనాలను పొందవచ్చు. ముఖ్యంగా ఐఆర్‌సీటీసీ సహ-బ్రాండెడ్ క్రెడిట్ కార్డులు టికెట్ బుకింగ్‌లపై క్యాష్‌బ్యాక్, రివార్డు పాయింట్లు, ఉచిత లాంజ్ యాక్సెస్ వంటి సౌకర్యాలను అందిస్తాయి.

రైలు ప్రయాణికుల కోసం టాప్ 6 IRCTC క్రెడిట్ కార్డులు

1. IRCTC SBI Platinum క్రెడిట్ కార్డు – ఐఆర్‌సీటీసీ వెబ్‌సైట్ ద్వారా ఏసీ-క్లాస్ టికెట్ బుకింగ్‌లపై 10% వరకు క్యాష్‌బ్యాక్, ప్రతి సంవత్సరం నాలుగు సార్లు ఉచిత రైల్వే లాంజ్ యాక్సెస్. తక్కువ వార్షిక రుసుముతో అధిక ప్రయోజనాలు.

2. IRCTC SBI RuPay క్రెడిట్ కార్డు – బుకింగ్‌లపై 10% వరకు రివార్డులు, సంవత్సరానికి నాలుగు సార్లు ఉచిత లాంజ్ యాక్సెస్. తక్కువ ధరలో మంచి ప్రయోజనాలు కోరుకునే వారికి అనుకూలం.

3. IRCTC SBI Premier క్రెడిట్ కార్డు – అధిక రివార్డు పాయింట్లు, సంవత్సరానికి 8 సార్లు ఉచిత లాంజ్ యాక్సెస్, రూ.1 లక్ష వరకు ఫ్రాడ్ ఇన్సూరెన్స్. తరచుగా ప్రయాణించే వారికి బెస్ట్ ఆప్షన్.

4. IRCTC Bank of Baroda క్రెడిట్ కార్డు – బుకింగ్‌లపై ప్రతి రూ.100కి 40 పాయింట్లు, డిపార్ట్‌మెంటల్ స్టోర్స్‌లో అధిక రివార్డులు. ప్రభుత్వ బ్యాంక్ కస్టమర్లకు బడ్జెట్-ఫ్రెండ్లీ ఆప్షన్.

5. IRCTC HDFC క్రెడిట్ కార్డు – బుకింగ్‌లపై ప్రతి రూ.100కి 5 పాయింట్లు, SmartBuy ద్వారా 5% అదనపు క్యాష్‌బ్యాక్, సంవత్సరానికి 8 ఉచిత లాంజ్ యాక్సెస్. అదనపు ఆఫర్లు కోరేవారికి అనుకూలం.

6. IRCTC RBL క్రెడిట్ కార్డు – సంవత్సరానికి 8 ఉచిత లాంజ్ యాక్సెస్, మెట్రో/బస్ ప్రయాణాలకు NCMC సపోర్ట్, రూ.5,000 వరకు టికెట్ క్యాన్సలేషన్ ప్రొటెక్షన్. సేఫ్ ట్రావెల్ కోసం ప్రత్యేక ఫీచర్లు.

ఇది కూడా చదవండి: Bank Account: జీరో నుంచి రూ.50 వేల వరకు.. మినిమం బ్యాలెన్స్ పెంపు వివాదం!

సరైన కార్డును ఎంచుకోవడం ఎలా?
IRCTC: మీ ప్రయాణ ఫ్రీక్వెన్సీ, వార్షిక ఫీజులు, రివార్డులను ఉపయోగించే విధానం ఆధారంగా కార్డును ఎంచుకోవాలి. ఎక్కువ లాంజ్ యాక్సెస్, క్యాష్‌బ్యాక్ కోసం ప్రీమియం కార్డులు, తక్కువ ఖర్చుతో ఎక్కువ ప్రయోజనాల కోసం బడ్జెట్ ఫ్రెండ్లీ కార్డులు తీసుకోవడం మంచిది.

ఆన్‌లైన్ దరఖాస్తు ప్రక్రియ
ఎంచుకున్న బ్యాంక్ వెబ్‌సైట్‌లో అప్లికేషన్ ఫారమ్ నింపి, అవసరమైన పత్రాలు అప్‌లోడ్ చేసి దరఖాస్తు చేయాలి. ఆమోదం పొందిన తర్వాత కార్డు మీ చిరునామాకు చేరుతుంది.