H-1B Visa: అమెరికాలో నివసిస్తున్న భారతీయ H-1B వీసాదారులు ఇప్పుడు కొత్త చిక్కులను ఎదుర్కొంటున్నారు. ఉద్యోగాలు కోల్పోయిన తర్వాత 60 రోజుల గడువు పూర్తికాకముందే బహిష్కరణ నోటీసులు అందుతుండటంతో, వేలాది మంది ఆందోళన చెందుతున్నారు. ఈ నోటీసులు అందుకున్న వెంటనే దేశం విడిచి వెళ్లడం తప్ప వేరే మార్గం లేకపోవడం వల్ల, ఆర్థికంగా అలానే సామాజికంగా పెద్ద సవాళ్లు ఎదురవుతున్నాయి.
ట్రంప్ పాలనలో కొత్త కఠినత
H-1B Visa: అమెరికా అధ్యక్షుడిగా డొనాల్డ్ ట్రంప్ తిరిగి అధికారంలోకి వచ్చిన తర్వాత, వీసా నిబంధనలు మరింత కఠినతరం అయ్యాయి. మొదట వీసా ప్రక్రియలో నియంత్రణలు పెంచిన ట్రంప్ ప్రభుత్వం, ఇప్పుడు ఉద్యోగాలు కోల్పోయిన H-1B వీసాదారులకు గడువు ముగియకముందే బహిష్కరణ నోటీసులు జారీ చేస్తోంది.
ఇది కూడా చదవండి: EPFO: EPFO కొత్త రూల్.. యూఏఎన్ కోసం ఫేస్ అథెంటికేషన్ తప్పనిసరి
గడువుకు ముందే డిపోర్టేషన్
H-1B Visa: సాధారణంగా, ఉద్యోగం కోల్పోయిన H-1B వీసాదారులకు కొత్త ఉద్యోగం వెతికేందుకు లేదా వీసా స్టేటస్ మార్చుకోవడానికి 60 రోజుల గ్రేస్ పీరియడ్ ఉంటుంది. అయితే తాజాగా చాలా సందర్భాల్లో కేవలం రెండు వారాల్లోనే డిపోర్టేషన్ నోటీసులు పంపుతున్నారని వీసాదారులు చెబుతున్నారు. ఈ పరిస్థితిలో, కొత్త ఉద్యోగం దొరకకపోతే లేదా వీసా మార్పు సాధ్యం కాకపోతే, దేశానికి తిరిగి రావడం తప్ప వేరే మార్గం ఉండదు.
ప్రభావం ఇంకా ఆందోళన
తాజా సర్వేలు చెబుతున్నట్టుగా, అమెరికాలో నివసిస్తున్న భారతీయుల్లో సుమారు 45% మంది ఇటీవల ఉద్యోగాలు కోల్పోయారు. వీరిలో 26% మంది ఇతర దేశాలకు వలస వెళ్ళగా, మిగిలినవారు భారత్‌కు తిరిగి రావాలని ఆలోచిస్తున్నారు. గడువు ముందు నోటీసులు రావడం వల్ల, జీతం, జీవనశైలి, భవిష్యత్ ఉద్యోగ అవకాశాలు అన్నీ ప్రభావితం అవుతున్నాయి.
భవిష్యత్తుపై అనిశ్చితి
ఈ పరిణామాల మధ్య, చాలా మంది భారతీయులు తమ కుటుంబాల భవిష్యత్తుపై భయాందోళనలో ఉన్నారు. అయినప్పటికీ, అమెరికాలో తిరిగి మంచి ఉద్యోగం సంపాదించి స్థిరపడాలని చాలా మంది ఆశిస్తున్నారు. కానీ, ప్రస్తుత వీసా విధానాలు కఠినతరం కావడంతో ఆ మార్గం మరింత క్లిష్టంగా మారింది.
