Lifestyle: ఆరోగ్యంగా జీవించాలంటే ఆహారం, నీరు ఎంత ముఖ్యమో సరైన నిద్ర కూడా అంతే ముఖ్యం. కానీ నేటి కాలంలో నిద్రలేమి చాలా మందిని వెంటాడుతోంది. రాత్రిపూట ఫోన్‌లో ఎక్కువసేపు గడపడం, సోషల్ మీడియా వాడకం, నైట్ షిఫ్ట్‌ల పని, ఒత్తిడి కారణాల వల్ల చాలామందికి సరైన నిద్ర దొరకడం లేదు. ఈ అలవాటు తాత్కాలికంగా అలసట మాత్రమే కాకుండా, దీర్ఘకాలంలో అనేక ప్రమాదకరమైన వ్యాధులకు కారణమవుతుందని వైద్య నిపుణులు హెచ్చరిస్తున్నారు.
Lifestyle: వైద్యుల ప్రకారం ఒక సాధారణ వ్యక్తి రోజూ కనీసం 7 నుండి 8 గంటలు నిద్రపోవాలి. ఇది శరీరంలోని అవయవాలకు విశ్రాంతి ఇస్తుంది. వయస్సు, ఆరోగ్య పరిస్థితులు ఆధారంగా ఈ నిద్ర సమయం మారవచ్చు. కానీ నిరంతరం నిద్ర లేమితో బాధపడితే శరీరం పలు సమస్యలను ఎదుర్కొనే ప్రమాదం ఉంది. నిద్ర లేకపోవడం వల్ల ఆకలిని నియంత్రించే హార్మోన్లు అసమతుల్యం అవుతాయి. ఫలితంగా, ఆకలి ఎక్కువవుతుంది, పదే పదే ఏదో ఒకటి తినాలనిపిస్తుంది.
ఇది కూడా చదవండి: Delhi CM Attack: ఢిల్లీ సీఎంపై దాడి కేసులో సంచలనం – నిందితుడి షాకింగ్‌ వాఖ్యలు
దీని కారణంగా శరీర బరువు పెరిగి ఊబకాయ సమస్య రావచ్చు. నిద్ర, మానసిక ఆరోగ్యానికి గాఢమైన సంబంధం ఉంది. నిద్రలేమి కారణంగా నిరాశ, ఒత్తిడి, ఆందోళన వంటి సమస్యలు పెరుగుతాయి. ఎప్పుడూ చిరాకుగా ఉండడం, మూడ్ స్వింగ్‌లు రావడం కూడా సాధారణమే. నిద్ర లేకపోవడం వల్ల అధిక రక్తపోటు వస్తుంది. ఇది గుండెపోటు, స్ట్రోక్ వంటి సమస్యల ప్రమాదాన్ని పెంచుతుంది. ఇప్పటికే గుండె జబ్బులు ఉన్నవారు నిద్ర విషయంలో మరింత జాగ్రత్తగా ఉండాలి. వైద్యుల ప్రకారం నిద్రలేమి కారణంగా శరీరంలో ఇన్సులిన్ సెన్సిటివిటీ తగ్గిపోతుంది.
దీని వలన టైప్ 2 డయాబెటిస్ వచ్చే అవకాశం పెరుగుతుంది. నిద్ర సరిగా లేకపోతే రోజువారీ పనులపై దృష్టి పెట్టడం కష్టమవుతుంది. ఫోకస్ తగ్గిపోవడం వల్ల పనితీరు దెబ్బతింటుంది. ముఖ్యంగా విద్యార్థులు, ఉద్యోగులు దీనివల్ల తీవ్ర ఇబ్బందులు ఎదుర్కొంటారు. కాబట్టి ఆరోగ్యాన్ని కాపాడుకోవాలంటే ప్రతి ఒక్కరూ రోజూ కనీసం 7–8 గంటలు నిద్రపోవడం తప్పనిసరి. నిద్ర లేమిని చిన్న సమస్యగా తీసుకోవడం పెద్దపెద్ద వ్యాధులకు కారణం అవుతుంది.