Nashra Sandhu: మహిళల ప్రపంచ కప్ 2025లో పాకిస్తాన్ మరోసారి విచిత్రమైన సంఘటనకు వేదికైంది. కొలంబోలోని ఆర్. ప్రేమదాస స్టేడియంలో బంగ్లాదేశ్‌తో జరిగిన మ్యాచ్‌లో పాకిస్తాన్ స్పిన్నర్ నాష్రా సంధు హిట్ వికెట్‌గా అవుట్ అయ్యి అందరినీ ఆశ్చర్యపరిచింది. వరల్డ్ కప్ చరిత్రలో హిట్ వికెట్‌తో పెవిలియన్ చేరిన మూడో పాకిస్తాన్ క్రికెటర్‌గా ఆమె నిలిచింది.
Nashra Sandhu: 35వ ఓవర్‌లో షోర్నా అక్తర్ వేసిన బంతిని రక్షించడానికి ప్రయత్నించిన నాష్రా, చివరి క్షణంలో బ్యాట్‌ను వెనక్కి తీసుకుంది. కానీ ఫాలో-త్రూ సమయంలో ఆమె బ్యాట్ అనుకోకుండా స్టంప్స్‌ను తాకింది. దీంతో అంపైర్ ఆమెను హిట్ వికెట్ అవుట్‌గా ప్రకటించాడు. అంతకుముందు పాకిస్తాన్ తరపున మిస్బా-ఉల్-హక్, ఇమామ్-ఉల్-హక్ ఇలాగే అవుట్ అయ్యారు.
129 పరుగుల చిన్న లక్ష్యాన్ని ఛేదించడానికి బంగ్లాదేశ్ మొదట్లో వికెట్లు కోల్పోయినా, రుబియా హైదర్ (54)* అజేయ హాఫ్ సెంచరీతో జట్టును విజయపథంలో నడిపింది. కెప్టెన్ నిగర్ సుల్తానాతో కలిసి 62 పరుగుల భాగస్వామ్యం చేసి జట్టుకు సౌలభ్యాన్ని తీసుకొచ్చింది. బంగ్లాదేశ్ కేవలం 113 బంతులు మిగిలి ఉండగానే లక్ష్యాన్ని ఛేదించింది.
Nashra Sandhu: మారుఫా అక్తర్ అద్భుతమైన స్పెల్‌తో పాకిస్తాన్‌ను ప్రారంభంలోనే కుదిపేసింది. తొలి ఓవర్‌లోనే ఓమైమా సోహైల్, సిద్రా అమీన్‌ను డకౌట్ చేసి పాక్ ఇన్నింగ్స్‌ను కష్టాల్లోకి నెట్టింది. ఆమెతో పాటు నహీదా అక్తర్ కూడా కీలక వికెట్లు తీయడంతో పాకిస్తాన్ 38.3 ఓవర్లలో 129 పరుగులకే ఆలౌట్ అయ్యింది.
Nashra Sandhu: నాష్రా సంధు హిట్ వికెట్ అవుట్ – పాకిస్తాన్‌కు మరో అవమానం. మారుఫా అక్తర్ 2 వికెట్లు, నహీదా అక్తర్ కీలక బౌలింగ్, రుబియా హైదర్ అజేయ 54 పరుగులతో బంగ్లాదేశ్ విజయనాయకత్వం. పాకిస్తాన్ బ్యాటింగ్ & ఫీల్డింగ్ రెండింట్లోనూ విఫలమైంది.
ఈ మ్యాచ్‌లో పాకిస్తాన్ పేలవ ప్రదర్శనపై చర్చ కంటే, నాష్రా సంధు యొక్క విచిత్రమైన అవుట్ హైలైట్‌గా నిలిచింది. ప్రస్తుతం ఈ వీడియో వైరల్ గా మారింది. ఇలాంటి ఫీట్స్ పాకిస్తాన్ ప్లేయర్లకే సాధ్యం అంటూ అందరూ కామెంట్ చేస్తున్నారు. ఈ విచిత్రమైన అవుట్ ను మీరూ ఇక్కడ ఈ ట్వీట్ ద్వారా చూసేయండి . .
Nashra Sandhu’s time at the crease comes to an unfortunate end 🫣
Watch #BANvPAK LIVE in your region, broadcast details here ➡️ https://t.co/MNSEqhJP29#CWC25 pic.twitter.com/R489eBXHf7
— ICC Cricket World Cup (@cricketworldcup) October 2, 2025