IND vs ENG: ఇండియా vs ఇంగ్లాండ్ ఈ మ్యాచ్‌లో మొదట బ్యాటింగ్ చేసిన టీం ఇండియా తొలి ఇన్నింగ్స్‌లో 471 పరుగులు చేయగా, ఇంగ్లాండ్ 465 పరుగులు చేసింది. రెండో ఇన్నింగ్స్‌లో టీం ఇండియా 364 పరుగులు చేసి ఆలౌట్ అయింది. టీం ఇండియా 371 పరుగుల లక్ష్యాన్ని నిర్దేశించిన ఇంగ్లాండ్ జట్టు 82 ఓవర్లలో 373 పరుగులు చేసి 5 వికెట్ల తేడాతో విజయం సాధించింది.
IND vs ENG: ఇంగ్లాండ్ తో జరిగిన తొలి టెస్ట్ మ్యాచ్ లో టీం ఇండియా ఓటమి పాలైంది. టాప్ ఆర్డర్ బ్యాట్స్ మెన్ అద్భుతమైన బ్యాటింగ్ ప్రదర్శన చేసినప్పటికీ, ఈ మ్యాచ్ లో టీం ఇండియా విజయం సాధించలేకపోయింది. దీనికి మిడిల్ ఆర్డర్ బ్యాట్స్ మెన్ వైఫల్యం ఒక కారణం.
IND vs ENG: ఈ మ్యాచ్‌లో టీమ్ ఇండియా టాప్ ఆర్డర్ బ్యాట్స్‌మెన్ బాగా రాణించారు. కానీ మిడిల్ ఆర్డర్ బ్యాట్స్‌మెన్ ఆశించిన స్థాయిలో రాణించలేదు. ఇక్కడ, టీమ్ ఇండియా టాప్-5 బ్యాట్స్‌మెన్ రెండు ఇన్నింగ్స్‌లలో 721 పరుగులు చేయగా మిడిల్ ఆర్డర్ విఫలమవడంతో రెండో ఇన్నింగ్స్ లో పెద్ద స్కోర్ చేయలేక పోయింది.
రెండు ఇన్నింగ్స్‌లలో మిడిల్ ఆర్డర్ బ్యాట్స్‌మెన్ 65 పరుగులు మాత్రమే. బౌలర్లతో పాటు కరుణ్ నాయర్, రవీంద్ర జడేజా, శార్దూల్ ఠాకూర్ పూర్తిగా విఫలమవడం టీమ్ ఇండియాకు తీరని లోటు.
మిడిల్ ఆర్డర్ బ్యాట్స్ మెన్ విఫలమైనా, టీం ఇండియా తొలి ఇన్నింగ్స్ లో 471 పరుగులు చేసింది. కానీ ఫీల్డింగ్ లో 5 క్యాచ్ లు చేజార్చింది. ఈ పేలవమైన ఫీల్డింగ్ ను ఆసరాగా చేసుకుని ఇంగ్లాండ్ బ్యాట్స్ మెన్ తొలి ఇన్నింగ్స్ లో 465 పరుగులు చేశారు.
తొలి ఇన్నింగ్స్‌లో కేవలం 6 పరుగుల ఆధిక్యంలో ఉన్న టీమ్ ఇండియా, రెండో ఇన్నింగ్స్‌లో కనీసం 400+ పరుగులు సాధించగలమని నమ్మకంగా ఉంది. కానీ మళ్ళీ హ్యాండ్ ఇచ్చిన మిడిల్ ఆర్డర్ బ్యాటర్లు టీమ్ ఇండియా ఇన్నింగ్స్‌ను 364 పరుగులకు ముగించారు.
IND vs ENG: ఇదిలా ఉండగా, రెండో ఇన్నింగ్స్‌లో 371 పరుగుల లక్ష్య ఛేదనలో ఇంగ్లాండ్ ఓపెనర్ బెన్ డకెట్ అద్భుతంగా 149 పరుగులు చేశాడు. జైస్వాల్ చేజార్చిన క్యాచ్‌ను డకెట్ పూర్తిగా సద్వినియోగం చేసుకుని భారీ స్కోరు చేశాడు. జైస్వాల్ మాత్రమే కాదు ఈ మ్యాచ్‌లో టీమ్ ఇండియా ఫీల్డర్లు మొత్తం 6 క్యాచ్‌లు వదిలేసారు,అలానే మిడిల్ ఆర్డర్ బ్యాట్స్‌మెన్ 65 పరుగులు మాత్రమే చేయడం భారత్ ఓటమికి ప్రధాన కారణం.
