Kerala: కేరళ రాష్ట్రంలోని కన్హంగాడ్ జిల్లాలో ఒక ఆశ్చర్యకర ఘటన వెలుగు చూసింది. పదవ తరగతిలో చదువుతున్న కేవలం 14 ఏళ్ల బాలిక ఇంట్లోనే బిడ్డకు జన్మనిచ్చిన సంఘటన స్థానికంగా కలకలం రేపుతోంది. ఈ సంఘటన బాలిక కుటుంబ సభ్యులను, స్థానికులను తీవ్ర ఆశ్చర్యంలో ముంచెత్తింది.
Kerala: బుధవారం మధ్యాహ్నం బాలిక ఒక్కసారిగా తీవ్రమైన కడుపునొప్పితో బాధపడింది. అందులోంచి ఆమె ఇంట్లోనే ఆడ శిశువుకు జన్మనిచ్చింది. అయితే ఆమెకు బలహీనతతో పాటు తీవ్ర రక్తస్రావం కావడంతో కుటుంబ సభ్యులు వెంటనే స్థానిక ప్రైవేట్ ఆసుపత్రికి తరలించారు. వైద్యుల సూచన మేరకు తల్లి, బిడ్డను తక్షణమే చికిత్సకు లోనుచేశారు. ప్రస్తుతానికి ఇద్దరూ క్షేమంగా ఉన్నట్లు సమాచారం.
Kerala: బాలిక గర్భవతి అయిన విషయం ఎవరూ గుర్తించకపోవడం ఈ ఘటనలో మరింత ఆశ్చర్యాన్ని కలిగిస్తోంది. బాలిక తల్లి పోలీసులకు ఇచ్చిన ఫిర్యాదులో, తమ కుమార్తె గర్భవతి అనే విషయం వారికి ఏ మాత్రం తెలియదని తెలిపింది. ఇది తెలుసుకుని వారు మానసికంగా దిగ్ర్భాంతికి గురయ్యారంటూ ఆమె పేర్కొన్నారు.
ఇది కూడా చదవండి: Viral Video: మొబైల్ ఫోన్ మాయలో ప్రాణాలతో చెలగాటం వృద్ధుడిని రక్షించిన RPF కానిస్టేబుల్ వీరత్వం
Kerala: ఈ నేపథ్యంలో హోస్దుర్గ్ పోలీసులు బాలిక తల్లి ఫిర్యాదు మేరకు కేసు నమోదు చేసి దర్యాప్తును ప్రారంభించారు. ప్రస్తుతం బాలిక ఇంకా వాంగ్మూలం ఇచ్చే స్థితిలో లేనందున ఆమెను ప్రశ్నించలేకపోతున్నట్టు పోలీసులు తెలిపారు. బాలికను గర్భవతిగా చేసిందెవరు? ఇది లైంగిక వేధింపుల ఘటనా? లేక వేరే కారణమా? అన్న విషయాలు ఇంకా స్పష్టంగా తెలియాల్సి ఉంది.
ప్రస్తుతం బాలిక ఎనిమిది నెలల గర్భంతో ప్రసవించినట్టు వైద్యులు నిర్ధారించారు. బాలికకు ఏమయిన మనోవేదన ఉన్నదా? లేదా ఆమెను బలవంతంగా ఎవరైనా లైంగికంగా వేధించారా? అనే కోణాల్లో పోలీసులు విచారణ జరుపుతున్నారు. కేసు సంజీవనంగా మారినందున దర్యాప్తు పూర్తయ్యే వరకు మరిన్ని వివరాలు వెల్లడించలేమని అధికారులు తెలిపారు.
ఈ ఘటన బాలికల భద్రతపై, సమాజంలో వారిపై జరిగే దాడులపై గంభీరంగా ఆలోచించాల్సిన అవసరాన్ని గుర్తు చేస్తోంది. నిర్లక్ష్యం, అవగాహన లోపం, కుటుంబానికి తెలియని పరిస్థితులు ఇలా కలిసొచ్చినప్పుడు చట్టపరమైన న్యాయం ఎంత ముఖ్యమో ఈ ఘటన మరోసారి స్పష్టం చేస్తోంది.
