IND vs ENG 5th Test: సిరీస్ సమం చేస్తారా? నేటి మ్యాచ్‌పై సర్వత్రా ఉత్కంఠ!

IND vs ENG 5th Test: ఇంగ్లాండ్ పర్యటనలో ఉన్న టీమిండియా ఇప్పుడు డూ ఆర్ డై ఐదో టెస్ట్ మ్యాచ్ ప్రారంభంకానుంది. ఇప్పటికే 2-1 తేడాతో వెనుకబడి ఉన్న భారత్‌కు, సిరీస్‌ను 2-2తో డ్రా చేయాలంటే ఈ మ్యాచ్ తప్పక గెలవాల్సిన పరిస్థితి. లండన్‌లోని కెన్నింగ్టన్ ఓవల్ వేదికగా నేడు ప్రారంభమయ్యే ఈ మ్యాచ్‌పై అభిమానుల్లో, విశ్లేషకుల్లో తీవ్ర ఆసక్తి నెలకొంది.

IND vs ENG 5th Test: ఈ మ్యాచ్‌లో ఇరు జట్లకు గాయాల ఊబిలో కీలక ఆటగాళ్లను కోల్పోవడం వల్ల తుది జట్ల సెలెక్షన్ కీలకమైంది. భారత వికెట్ కీపర్ రిషబ్ పంత్ గాయం కారణంగా టెస్ట్‌కి దూరమవ్వగా, అతని స్థానంలో ధ్రువ్ జురేల్ అరంగేట్రం చేసే అవకాశం ఉంది. అదే విధంగా, ఇంగ్లాండ్ కెప్టెన్ బెన్ స్టోక్స్ ఫిట్‌నెస్ సమస్యతో జట్టులో లేనందున, ఓలీ పోప్ నాయకత్వ బాధ్యతలు చేపడుతున్నాడు.

IND vs ENG 5th Test: గత టెస్ట్‌లో ఇంగ్లాండ్ 669 పరుగులు చేయడంతో, భారత బౌలింగ్ విభాగం తీవ్ర విమర్శల పాలైంది. అన్షుల్ కాంబోజ్ ఫర్వాలేదనిపించినా, ఇతర బౌలర్లు ఆశించిన స్థాయిలో రాణించలేకపోయారు. అయితే బ్యాటింగ్ విభాగం బాధ్యతగా వ్యవహరించింది. జడేజా, వాషింగ్టన్ సుందర్ సాలిడ్ సెంచరీలతో భారత్‌ను డ్రాగా గట్టెక్కించారు.

ఇది కూడా చదవండి: Asaduddin Owaisi: భారత్-పాక్ మ్యాచ్ చూడటానికి నా మనస్సాక్షి అంగీకరించదు

IND vs ENG 5th Test: ఇప్పటివరకు భారత్-ఇంగ్లాండ్ మధ్య 140 టెస్టులు జరగగా, ఇంగ్లాండ్ 53, భారత్ 36 మ్యాచ్‌లు గెలవగా, 51 మ్యాచ్‌లు డ్రాగా ముగిశాయి. ఈ నేపథ్యంలో ఈ మ్యాచ్ ఎంతో కీలకమైంది.

IND vs ENG 5th Test: ఓవల్ పిచ్ విషయానికొస్తే, ఫాస్ట్ బౌలర్లకు మొదటి రోజు సహాయం, మధ్య రోజుల్లో బ్యాట్స్‌మెన్‌కు అనుకూలం, చివరి రోజుల్లో స్పిన్నర్లకు టర్న్ లభించే అవకాశం ఉంది. అయితే, వాతావరణం కీలకం కానుంది. మ్యాచ్‌కి ముందు వర్షం సూచనలు ఉండటం, మొదటి రెండు రోజుల్లో ఆటకు ఆటంకం కలిగించవచ్చు. టాస్ గెలిచిన జట్టు బౌలింగ్ ఎంచుకునే అవకాశం ఉంది.

మ్యాచ్‌ను సోనీ స్పోర్ట్స్ నెట్‌వర్క్ లో టీవీలో, అలాగే డిస్నీ+ హాట్‌స్టార్ యాప్, వెబ్‌సైట్ ద్వారా లైవ్ స్ట్రీమింగ్‌లో వీక్షించవచ్చు.

భారత అంచనా జట్టు:
యశస్వి జైస్వాల్, కేఎల్ రాహుల్, సాయి సుదర్శన్, శుభమన్ గిల్ (కెప్టెన్), ధ్రువ్ జురేల్ (వికెట్ కీపర్), రవీంద్ర జడేజా, వాషింగ్టన్ సుందర్, శార్దూల్ ఠాకూర్, ఆకాష్ దీప్, మహ్మద్ సిరాజ్, ప్రసిధ్ కృష్ణ.

ఇంగ్లాండ్ జట్టు:
జాక్ క్రాలీ, బెన్ డకెట్, ఓలీ పోప్ (కెప్టెన్), జో రూట్, హ్యారీ బ్రూక్, జాకబ్ బెథెల్, జేమీ స్మిత్ (వికెట్ కీపర్), క్రిస్ వోక్స్, గస్ అట్కిన్సన్, జేమీ ఓవర్టన్, జోష్ టంగ్.

ఈ మ్యాచ్ ఫలితం భారత్‌కు నైతిక విజయం దక్కించిపెట్టే అవకాశం ఉండగా, ఇంగ్లాండ్‌కి సిరీస్‌ను ఖాతాలో వేసే అవకాశముంది. మరి.. విజయం ఎవరిదీ?