Crime News: ఛత్తీస్‌గఢ్ రాష్ట్రంలోని సుర్గుజా జిల్లాలో సంచలనం రేపిన దొంగతనం వెలుగులోకి వచ్చింది. రాష్ట్ర మాజీ ఉప ముఖ్యమంత్రి టిఎస్ సింగ్‌దేవ్‌కు చెందిన సుర్గుజా ప్యాలెస్ సమీపంలోని కోఠి ఘర్‌లో ఈ దొంగతనం జరిగింది. ఆగస్టు 3 రాత్రి చోటుచేసుకున్న ఈ ఘటన స్థానికంగా కలకలం రేపింది. ఈ దొంగతనాన్ని సీసీటీవీ కెమెరాలు పూర్తిగా రికార్డు చేయడం విశేషం.
Crime News: ఈ ఘటన జరిగిన సమయంలో సింగ్‌దేవ్ విదేశీ పర్యటనలో ఉన్నారు. ఇంట్లో ఎవరూ లేని సమయంలో ఓ దొంగ గోడ దూకి ప్యాలెస్ ఆవరణలోకి ప్రవేశించి, ఇంటి వెనుక భాగం నుండి లోపలికి చొరబడ్డాడు. అక్కడ ఉండిన విలువైన రెండు ఇత్తడి ఏనుగుల విగ్రహాలను దొంగిలించాడు. వీటి బరువు దాదాపు 15 కిలోలుగా అంచనా వేయబడింది. వీటిలో ఒక విగ్రహాన్ని ప్యాలెస్ గేటు సమీపంలో ఉంచినట్లు సమాచారం.
ఇది కూడా చదవండి: PM Narendra Modi: రైతులకంటే ముఖ్యమైనది ఏదీ లేదు: మోదీ స్పష్టం
Crime News: ఈ ఘటనపై సమాచారం అందుకున్న వెంటనే పోలీసులకు ఫిర్యాదు అందింది. బ్రహ్మపార పోలీస్ స్టేషన్ పరిధిలో నివసించే వ్యక్తి, సింగ్‌దేవ్ నివాసంలో దొంగతనమైందని కోత్వాలి పోలీస్ స్టేషన్‌లో అధికారికంగా ఫిర్యాదు చేశాడు. ఈ మేరకు పోలీసులు ఎఫ్ఐఆర్ నమోదు చేసి, దర్యాప్తును ప్రారంభించారు.
Crime News: సర్గుజా ఎస్పీ అమోలక్ సింగ్ ధిల్లాన్ స్పందిస్తూ.. “ఈ ఘటనపై సాంకేతిక ఆధారాలు సేకరిస్తున్నాం. సీసీటీవీ ఫుటేజ్‌లు పరిశీలిస్తున్నాం. దొంగ ఇంటి నిర్మాణంపై అవగాహన ఉన్నవాడిగా కనిపిస్తున్నాడు. మరింత సమాచారం కోసం ప్యాలెస్ చుట్టుపక్కల ఉన్న ఇతర కెమెరాల దృశ్యాలను కూడా పరిశీలిస్తున్నాం” అని తెలిపారు.
ఈ ఘటనతో స్థానికంగా భద్రతపై ప్రశ్నలు మొదలయ్యాయి. రాజకీయంగా ప్రాధాన్యత గల నేత ఇంటిలో దొంగతనం జరగడం పోలీసుల అప్రమత్తతపై ప్రశ్నలు వేస్తోంది. ఇక దొంగ పట్టుబడే వరకు ఈ ఘటన చర్చనీయాంశంగా మారింది.