Top 10 IITs in India 2025: భారత్‌లో ఇంజనీరింగ్ చదవాలని కలలు కనే ప్రతి విద్యార్థి లక్ష్యం IITలో సీటు పొందడమే. దేశవ్యాప్తంగా ప్రస్తుతం 23 ఇండియన్ ఇన్స్టిట్యూట్ ఆఫ్ టెక్నాలజీ (IITలు) ఉన్నాయి. అయితే వీటిలో కొన్ని అగ్రశ్రేణి IITలు దేశవ్యాప్తంగా ప్రతిష్టాత్మక స్థానాలు సంపాదించాయి. 2025 నాటి NIRF ర్యాంకింగ్స్ ప్రకారం టాప్ 10 IITలు ఇవే.
1️⃣ IIT మద్రాస్
NIRF ర్యాంకింగ్స్‌లో ఎప్పటిలాగే IIT మద్రాస్ అగ్రస్థానం దక్కించుకుంది. BTech, MTech, MSc, PhD వంటి అనేక ప్రోగ్రామ్‌లు ఇక్కడ లభ్యం. ప్రవేశాలు ప్రధానంగా JEE అడ్వాన్స్‌డ్, IIT JAM, GATE వంటి పరీక్షల ద్వారానే ఉంటాయి. ఫీజులు సుమారు రూ.1.2 లక్షల నుండి రూ.10 లక్షల వరకు ఉంటాయి.
2️⃣ IIT ఢిల్లీ
దేశ రాజధానిలోని IIT ఢిల్లీ BTechలో 14 స్పెషలైజేషన్లు అందిస్తుంది. JEE అడ్వాన్స్‌డ్, JoSAA కౌన్సెలింగ్ ఆధారంగా UG ప్రవేశాలు జరుగుతాయి. PG ప్రోగ్రామ్‌లకు GATE, JAM, CEED పరీక్షలు తప్పనిసరి. ఫీజులు కోర్సును బట్టి రూ.3 లక్షల నుండి రూ.10 లక్షల వరకు ఉంటాయి.
3️⃣ IIT బాంబే
టెక్నాలజీ, మేనేజ్‌మెంట్, సైన్స్ రంగాల్లో సుమారు 86 కోర్సులు అందిస్తున్న IIT బాంబేలో ప్రవేశం JEE మెయిన్, JEE అడ్వాన్స్‌డ్ ద్వారా జరుగుతుంది. డిగ్రీ ప్రోగ్రామ్‌లతో పాటు షార్ట్-టర్మ్ సర్టిఫికేట్ కోర్సులు కూడా అందుబాటులో ఉన్నాయి. ఫీజులు రూ.1.2 లక్షల నుండి రూ.20 లక్షల వరకు ఉంటాయి.
4️⃣ IIT కాన్పూర్
ఈ సంస్థలో BTech, BS, MTech, MBA, MDes, డ్యూయల్ డిగ్రీ కోర్సులు అందుబాటులో ఉన్నాయి. ప్రవేశాలకు GATE, JAM, CEED, CAT వంటి పరీక్షలు అవసరం. ఫీజులు రూ.8 లక్షల వరకు ఉంటాయి.
5️⃣ IIT ఖరగ్‌పూర్
BTech, ఇంటిగ్రేటెడ్ MTech/MSc, LLM, MBA, PhD వంటి విస్తృత కోర్సులు ఇక్కడ లభ్యం. JEE అడ్వాన్స్‌డ్ స్కోర్ ద్వారా UG ప్రవేశాలు కల్పిస్తారు. ఫీజులు రూ.10 లక్షల నుండి రూ.25 లక్షల వరకు ఉంటాయి.
6️⃣ IIT రూర్కీ
ఇంజనీరింగ్, ఆర్కిటెక్చర్, మేనేజ్‌మెంట్, సోషల్ సైన్సెస్ విభాగాల్లో కోర్సులు అందుబాటులో ఉన్నాయి. కొత్తగా మాస్టర్ ఇన్ డిజైన్, మాస్టర్ ఇన్నోవేషన్ మేనేజ్‌మెంట్ కోర్సులు ప్రారంభించారు. ఫీజులు రూ.10 లక్షల వరకు ఉంటాయి.
7️⃣ IIT హైదరాబాద్
BTech, MTech వంటి కోర్సులకు ప్రవేశాలు JEE అడ్వాన్స్‌డ్, GATE పరీక్షల ద్వారానే ఉంటాయి. ఫీజులు రూ.8 లక్షల వరకు ఉంటాయి.
8️⃣ IIT గువహటి
ఇక్కడ ఇంజనీరింగ్, సైన్స్, ఆర్కిటెక్చర్, ఫార్మసీ కోర్సులు అందుబాటులో ఉన్నాయి. BTech ఫీజులు రూ.8 లక్షల వరకు, MSc, ఇతర ప్రోగ్రామ్‌లు రూ.20 లక్షల వరకు ఉండొచ్చు.
9️⃣ IIT వారణాసి (BHU)
బనారస్ హిందూ విశ్వవిద్యాలయం ఆధ్వర్యంలో పనిచేసే ఈ IITలో BTech, డ్యూయల్ డిగ్రీ, BArch, MTech, PhD వంటి ప్రోగ్రామ్‌లు లభ్యం. ప్రవేశాలు పూర్తిగా జాతీయస్థాయి పరీక్షల ద్వారానే జరుగుతాయి. ఫీజులు రూ.10 లక్షల వరకు ఉంటాయి.
🔟 IIT ధన్‌బాద్
ఇది అండర్ గ్రాడ్యుయేట్ నుండి డాక్టోరల్ స్థాయి వరకు విభిన్న కోర్సులను అందిస్తుంది. ప్రవేశాలు పరీక్షల ఆధారంగా ఉంటాయి. ఫీజులు రూ.3 లక్షల నుండి రూ.8 లక్షల వరకు ఉంటాయి.
భారత్‌లో ఇంజనీరింగ్ కెరీర్‌ను ఎత్తుకు తీసుకెళ్లాలనుకునే విద్యార్థులకు ఈ టాప్ 10 IITలు సరైన వేదిక. ఇక్కడ అడ్మిషన్ పొందడం అనేది లైఫ్-సెటిల్ అనే మాట వాస్తవమే.