Death Penalty: ఉత్తర కొరియా అధినేత కిమ్ జోంగ్ ఉన్ మరో షాకింగ్ నిర్ణయం తీసుకున్నారు. దేశంలో ఎవరు విదేశీ టీవీ షోలు చూడటం లేదా షేర్ చేయడం చేస్తే వారిపై మరణశిక్ష విధించబడుతుంది. ఈ కఠిన నియమం ప్రజలపై మరింత నియంత్రణను కలిగించడానికి తీసుకున్న చర్యగా భావిస్తున్నారు.
Death Penalty: ప్రధానంగా దక్షిణ కొరియా టీవీ షోలు నిషేధితమైనవి. ఈ షోలను చూడడం లేదా షేర్ చేయడం నేరంగా పరిగణించబడుతుంది. ఐక్యరాజ్యసమితి మానవహక్కుల నివేదిక ప్రకారం, ఈ నియమాలు 2014 తర్వాత మరింత కఠినతరంగా మారాయి.
ఉత్తర కొరియాలో ప్రజలపై గణనీయమైన నిఘా వ్యవస్థ ఉంది. ప్రతి పౌరుని కదలికలను పర్యవేక్షిస్తారు. ప్రభుత్వం వ్యతిరేకంగా మాటలు చెప్పడం కఠినంగా నిషేధించబడింది. తిరుగుబాటు లేదా ఫిర్యాదు సూచనలైనా వెంటనే అణచివేయబడతాయి.
ఇది కూడా చదవండి: Crime News: ఛీ..ఛీ వీడు మనిషేనా..కొడుకు తల్లిని నదిలో తోసి హత్య చేసిన దారుణం!
ఐక్యరాజ్యసమితి నివేదికలో ఉత్తర కొరియాను అంధకార దేశంగా పేర్కొన్నారు. కరోనా మహమ్మారి తరువాత, మరణశిక్షలు పెరిగినట్లు, ప్రజల స్వేచ్ఛలు ఇంకా హక్కులు మరింత పరిమితం చేయబడ్డాయి.
విదేశీ టీవీ షోలు చూడటం నిషేధం అలానే మరణశిక్ష విధింపు కారణంగా, ఉత్తర కొరియా ప్రజల జీవన పరిస్థితులు కష్టతరంగా మారాయి. ప్రజలు తమ భావాలను వ్యక్తం చేయలేరు, ప్రతి చర్యను ప్రభుత్వము పర్యవేక్షిస్తోంది.
కిమ్ జోంగ్ ఉన్ ఈ ఆర్డర్ ద్వారా దేశ ప్రజలపై నియంత్రణ కొనసాగిస్తూ, స్వేచ్ఛలను పూర్తిగా అణచివేయడానికి ప్రయత్నిస్తున్నారు. అంతర్జాతీయంగా ఇది తీవ్రమైన విమర్శలకు కారణమవుతోంది.