Earthquake: అస్సాంలో ఆదివారం సాయంత్రం సంభవించిన భూకంపం ప్రజల్లో తీవ్ర భయాందోళనలు రేపింది. రిక్టర్ స్కేల్‌పై 5.8 తీవ్రతతో నమోదైన ఈ భూకంపం ప్రభావం అనేక జిల్లాల్లో కనిపించింది. అయితే, ఈ సమయంలో నాగావన్ నగరంలోని అదిత్య నర్సింగ్ హోమ్లో ఇద్దరు నర్సులు చూపిన ధైర్యం ఇప్పుడు సోషల్ మీడియాలో వైరల్‌గా మారింది.
Earthquake: సాయంత్రం 4.40 గంటల సమయంలో నవజాత శిశువుల ఐసీయూలో భూకంపం సంభవించగా, అక్కడి సీసీటీవీ ఫుటేజ్ మొత్తం ఘటనను రికార్డ్ చేసింది. కంపనలు మొదలవగానే ఇద్దరు నర్సులు క్షణం ఆలస్యం చేయకుండా శిశువుల వద్దకు పరుగెత్తారు. ఒక నర్స్ ఇద్దరు శిశువులను గట్టిగా పట్టుకుని రక్షించగా, మరొక నర్స్ మరో శిశువును తన ఒడిలోకి తీసుకుని కాపాడింది.
ఇది కూడా చదవండి: Viral Video: దేశ సేవకు బయలుదేరిన జవాన్‌కు తల్లి ఆత్మీయ వీడ్కోలు – కన్నీరు పెట్టిస్తున్న వీడియో
ఈ వీడియోలో గదిలోని ఆక్సిజన్ సిలిండర్లు, అద్దాలు, వైద్య పరికరాలు కదులుతున్నప్పటికీ, నర్సులు మాత్రం శిశువులను రక్షించడంపైనే దృష్టి పెట్టారు. ఈ సంఘటనతో నర్సుల ధైర్యసాహసాలను నెటిజన్లు ప్రశంసిస్తున్నారు.
అధికారుల ప్రకారం, ఈ భూకంపం ఎపిసెంటర్ ఉదాల్గిరి జిల్లాలో 5 కిలోమీటర్ల లోతులో ఉన్నట్లు గుర్తించారు. ప్రభావంతో గౌహతి, సోనిత్పూర్, తాముల్పూర్, నల్బారి జిల్లాలతో పాటు మణిపూర్, అరుణాచల్ ప్రదేశ్, పశ్చిమ బెంగాల్‌లో కూడా స్వల్పంగా కంపనలు అనుభవించబడ్డాయి.
అదే సమయంలో మరో రెండు భూకంపాలు చోటుచేసుకున్నాయి. సాయంత్రం 4.58 గంటలకు 3.1 తీవ్రతతో, 5.21 గంటలకు 2.9 తీవ్రతతో కంపనలు నమోదయ్యాయి. ఈ పరిస్థితుల్లో శిశువులను కాపాడిన నర్సుల సాహసం సామాజిక మాధ్యమాల్లో ప్రస్తుతానికి హాట్ టాపిక్‌గా మారింది.
Just a few hours ago, Assam trembled under the force of a 5.9 magnitude earthquake. At my brother’s hospital — Aditya Hospital, Nagaon , Assam — amidst the shaking walls and fearful cries, two young nurses stood tall like true. @aajtak @republic @Republic_Bharat @ANI @PTI_News pic.twitter.com/ENNCSmxm3G
— Amar Nath (@amarjyoti75) September 14, 2025
