Soudi Arebia: సౌదీ అరేబియా క్రౌన్ ప్రిన్స్ మొహమ్మద్ బిన్ సల్మాన్ (MBS) – పాకిస్తాన్ ప్రధాన మంత్రి షాబాజ్ షరీఫ్ బుధవారం ఒక రక్షణ ఒప్పందంపై సంతకం చేశారు, దీని ప్రకారం ఒక దేశంపై దాడి మరొక దేశంపై దాడిగా పరిగణిస్తారు . అంటే పాకిస్తాన్ పై ఏ దేశమైనా దాడి చేస్తే అది సౌదిపై కూడా జరిగిన దాడిగా భావిస్తారు. అలాగే సౌదీపై ఏదైనా దాడి జరిగితే , అది పాకిస్తాన్ పై దాడిగా నిర్ణయిస్తారు .
Soudi Arebia: సౌదీ ప్రెస్ ఏజెన్సీ ప్రకారం, భద్రతను పెంపొందించడానికి మరియు ప్రపంచ శాంతిని స్థాపించడానికి వారి నిబద్ధతను ఈ ఒప్పందం ప్రతిబింబిస్తుందని రెండు దేశాలు సంయుక్త ప్రకటనలో తెలిపాయి. ఈ ఒప్పందం రెండు దేశాల మధ్య రక్షణ సంస్థను కూడా అభివృద్ధి చేస్తుంది. సౌదీ అరేబియా రాజధాని రియాద్‌లోని యమామా ప్యాలెస్‌లో జరిగిన సమావేశంలో ఎంబిఎస్ మరియు షాబాజ్ షరీఫ్ అనేక అంశాలపై చర్చించారు. ఇద్దరు నాయకులు ప్రాంతీయ,అంతర్జాతీయ అంశాలపై కూడా మాట్లాడారు.
Soudi Arebia: ఈ ఒప్పందం అన్ని రకాల సైనిక సహకారాన్ని కవర్ చేస్తుందని పేరు వెల్లడించడానికి ఇష్టపడని సౌదీ సీనియర్ అధికారి రాయిటర్స్ వార్తా సంస్థతో అన్నారు. అవసరమైతే పాకిస్తాన్ అణ్వాయుధాలను ఉపయోగించడం కూడా ఇందులో భాగమేనా అని అడిగినప్పుడు, ఆయన సానుకూలంగా స్పందించారు.
పాకిస్తాన్ ఆర్మీ చీఫ్ కూడా అక్కడే..
Soudi Arebia: షాబాజ్ షరీఫ్ తో పాటు, పాకిస్తాన్ ఆర్మీ చీఫ్ అసిమ్ మునీర్, ఉప ప్రధాన మంత్రి ఇషాక్ దార్, రక్షణ మంత్రి ఖవాజా ఆసిఫ్, ఆర్థిక మంత్రి మహ్మద్ ఔరంగజేబ్ మరియు ఉన్నత స్థాయి ప్రతినిధి బృందం సౌదీ అరేబియాకు చేరుకున్నారు. ఈ రక్షణ ఒప్పందంపై సంతకం చేస్తున్నప్పుడు పాకిస్తాన్ ఆర్మీ చీఫ్ అసిమ్ మునీర్ కూడా అక్కడే ఉన్నారు. ఈ ఒప్పందం ఏదైనా నిర్దిష్ట దేశానికి లేదా సంఘటనకు వ్యతిరేకంగా ఉద్దేశించబడలేదని, రెండు దేశాల మధ్య దీర్ఘకాలిక మరియు లోతైన సహకారాన్ని అధికారికం చేసిందని ఒక అధికారి రాయిటర్స్‌తో అన్నారు.
🚨⚡️UNUSUAL
Saudi Arabia and Pakistan have formalized a mutual security treaty. The treaty stipulates that any attack on either country will be considered an attack on both.
This formally legalizes the use of Pakistani nuclear weapons to defend the kingdom. pic.twitter.com/JOc79v2xNQ
— RussiaNews 🇷🇺 (@mog_russEN) September 17, 2025