Viral Video: వైరల్ వీడియో: పెట్రోల్ బంకుల్లో తాగునీటి విషయంలో ఒక షాకింగ్ ఘటన వెలుగుచూసింది. సామాన్యంగా ప్రతి పెట్రోల్ బంక్‌లో తాగునీరు అందుబాటులో ఉండాలి. నిబంధనల ప్రకారం కూడా ఇది తప్పనిసరి. అయితే కొన్ని ప్రాంతాల్లో యజమానుల నిర్లక్ష్యం కారణంగా నీటి నాణ్యత పూర్తిగా దెబ్బతింటోంది. తాజాగా ఒక వీడియో సోషల్ మీడియాలో వైరల్ అవుతోంది.
Viral Video: ఆ వీడియోలో ఒక వ్యక్తి పెట్రోల్ బంక్‌లో ఏర్పాటు చేసిన వాటర్ కూలర్ వద్దకు నీరు తాగడానికి వెళ్ళాడు. కానీ మూత తీసి చూడగానే అతనికి షాక్ ఎదురైంది. కూలర్ లోపల నీరు పూర్తిగా మురికిగా ఉండటమే కాకుండా, అందులో ఒక బల్లి ఈత కొడుతుండటం స్పష్టంగా కనిపించింది. ఈ దృశ్యాన్ని అతను తన మొబైల్ ఫోన్‌లో రికార్డ్ చేసి సోషల్ మీడియాలో షేర్ చేయడంతో అది క్షణాల్లో వైరల్ అయింది.
ఇది కూడా చదవండి: Ambulance Failure: విషాదకర ఘటన..అంబులెన్స్ నిలిచిపోవడంతో బాలిక మృతి!
ఈ వీడియో చూసిన నెటిజన్లు తీవ్ర ఆగ్రహం వ్యక్తం చేస్తున్నారు. పెట్రోల్ బంక్ యాజమాన్యం ఇలా నిర్లక్ష్యం చేయడం ప్రాణాలకు ముప్పు అని విమర్శిస్తున్నారు. ప్రతిరోజూ వేలాది మంది డ్రైవర్లు, కార్మికులు ఇలాంటి బంక్‌ల వద్ద నీరు తాగుతుంటారు. కలుషిత నీటిని తాగడం వల్ల తీవ్రమైన అనారోగ్య సమస్యలు వచ్చే ప్రమాదం ఉందని హెచ్చరిస్తున్నారు.
అయితే ఇది అన్ని బంక్‌లలో ఉండకపోవచ్చు. కానీ ఎక్కడైనా రోడ్‌సైడ్ లేదా ఇతర ప్రాంతాల్లో నీరు తాగే ముందు జాగ్రత్తగా పరిశీలించడం చాలా అవసరం. లేకపోతే ఇలాంటి ప్రమాదకర పరిస్థితులు ఎదురవుతాయి. ఈ ఘటన మనందరికీ ఒక హెచ్చరిక లాంటిది. కాబట్టి పెట్రోల్ బంకుల్లో నీరు తాగేటప్పుడు తప్పనిసరిగా జాగ్రత్తలు తీసుకోవాలి.
Look at this water- there’s literally a lizard in it
Cab & truck drivers drink this daily, risking bacterial infections, diarrhea, hepatitis, etc.
India is staring at health epidemic as we’ve totally given up on basic food & water safety.
Shouldn’t govt shut down such pumps? pic.twitter.com/cml1aZe0Gr
— Anuradha Tiwari (@talk2anuradha) September 17, 2025
