Cinema: సస్పెన్స్‌, ట్విస్టులతో నిండిన కోర్ట్‌రూమ్ డ్రామాలు ఎప్పటికీ ప్రేక్షకులను ఆకట్టుకుంటూనే ఉంటాయి. ఈ మధ్యకాలంలో ఈ జానర్‌కు చెందిన సినిమాలు ఓటీటీలోనూ మంచి ఆదరణ పొందుతున్నాయి. లాజిక్‌, ఎమోషన్‌, లా పాయింట్స్ మిళితమైన ఈ చిత్రాలు చూసే వారికి మైండ్ బ్లాక్ అయ్యేలా చేస్తాయి. ప్రస్తుతం థియేటర్లలో అక్షయ్ కుమార్, అర్షద్ వార్సీ నటించిన “జాలీ LLB 3” బాక్సాఫీస్ వద్ద కలెక్షన్ల వర్షం కురిపిస్తోంది.
ప్రేక్షకులను కట్టిపడేసిన కోర్ట్ డ్రామాలు:
- జాలీ LLB 3 (2025)
అక్షయ్ కుమార్, అర్షద్ వార్సీ జంటగా నటించిన ఈ చిత్రం బాక్సాఫీస్ వద్ద సత్తా చాటుతోంది. లాయర్ల మధ్య జరిగే మైండ్ గేమ్స్, కోర్టు సన్నివేశాలు ప్రేక్షకులను అలరిస్తున్నాయి. - జై భీమ్ (2021)
కోలీవుడ్ హీరో సూర్య నటించిన ఈ చిత్రం, ఓ దళిత కుటుంబానికి న్యాయం చేయడానికి పోరాడే న్యాయవాది కథను చెబుతుంది. గట్టి సోషల్ మెసేజ్‌తో ఈ సినిమా హిట్ అయ్యింది. ప్రస్తుతం అమెజాన్ ప్రైమ్ వీడియోలో అందుబాటులో ఉంది. - పింక్ (2016)
అమితాబ్ బచ్చన్ న్యాయవాదిగా, తాప్సీ పన్ను, కీర్తి కుల్హారి, ఆండ్రియా తరియాంగ్ కీలక పాత్రల్లో నటించిన ఈ చిత్రం, మహిళలపై సమాజ దృష్టిని ప్రశ్నించేలా రూపొందింది. ప్రైమ్ వీడియోలో స్ట్రీమింగ్ అవుతోంది. - సెక్షన్ 375 (2019)
అక్షయ్ ఖన్నా, రిచా చద్దా నటించిన ఈ సినిమా లీగల్ ఫ్రేమ్‌లోనూ భావోద్వేగాల గట్టి మిశ్రమాన్ని అందిస్తుంది. క్లైమాక్స్ మైండ్ బ్లాక్ చేసేలా ఉంటుంది. ప్రస్తుతం ప్రైమ్ వీడియోలో అందుబాటులో ఉంది. - జన గణ మన (2022)
మలయాళ చిత్రం ఇది. పృథ్వీరాజ్ సుకుమారన్, సూరజ్ వెంజరమూడు నటించిన ఈ చిత్రం చివర్లో హీరో విలన్‌గా మారిపోవడం అసలైన ట్విస్ట్. నెట్‌ఫ్లిక్స్లో అందుబాటులో ఉంది. - నేరు (2023)
మోహన్ లాల్ ప్రధాన పాత్రలో నటించిన ఈ చిత్రం రియలిస్టిక్ కోర్ట్ డ్రామాగా నిలిచింది. దక్షిణ నటి ప్రియమణి ముఖ్య పాత్ర పోషించారు. ప్రస్తుతం జియో హాట్‌స్టార్లో స్ట్రీమింగ్ అవుతోంది.
లీగల్ డ్రామాలు అంటే ఇష్టమైతే, పై చిత్రాలు తప్పక చూడాల్సిందే. రియలిస్టిక్ కథనం, షాకింగ్ ట్విస్టులు, భావోద్వేగాల మేళవింపుతో ఇవి మిమ్మల్ని స్క్రీన్‌కు అతుక్కుపోయేలా చేస్తాయి.