Cyber Crime: ఏపీలోని నందిగామకు చెందిన డాక్టర్ సీతయ్య ఒకప్పుడు కలెక్టర్ కావాలన్న ఆశతో సివిల్ సర్వీసులు రాశాడు. లండన్‌లో మాస్టర్స్, పీహెచ్డీ పూర్తి చేసి, హైదరాబాద్‌లో ప్రొఫెసర్‌గా పని చేసిన అతను, తొలి ప్రయత్నంలోనే ఇంటర్వ్యూకు చేరిన ప్రతిభావంతుడు. కానీ ఫైనల్ లిస్ట్‌లో స్థానం దక్కకపోవడంతో అతని జీవితం పూర్తిగా మారిపోయింది.
Cyber Crime: ఉద్యోగం వదిలేశాడు, భార్య వదిలి వెళ్లిపోయింది. సివిల్స్ కోచింగ్ సెంటర్ ప్రారంభించాలన్న ప్రయత్నాలు విఫలమయ్యాయి. డిప్రెషన్‌లోపడి, ఆన్‌లైన్ గేమ్స్, బెట్టింగ్ యాప్స్‌లో మునిగిపోయాడు. ఆర్థిక అవసరం కోసం మోసాల బాట పట్టి, జాబ్ పోర్టల్స్ నుంచి అభ్యర్థుల వివరాలు సేకరించి, నకిలీ ఆఫర్ లెటర్ల ద్వారా భారీ డబ్బు సంపాదించాడు. 2023 నుండి ఇలా కొనసాగించాడు.
ఇది కూడా చదవండి: Heavy Rain: తెలంగాణలో వరుణుడి విస్పోటనం – 16 జిల్లాలకు అతి భారీ వర్షాలు!
తాజాగా, పుణెలోని ప్రముఖ యూనివర్సిటీ వీసీ, సీఈఓలను తాను ఐఐటీ బాంబే ప్రొఫెసర్ అని చెప్పి మోసం చేశాడు. 28 కోట్ల ఫండింగ్ ఇస్తానని నమ్మించి ముందుగా 2.46 కోట్లు తన అకౌంట్‌లో జమ చేసుకున్నాడు. తర్వాత కనబడకపోవడంతో యూనివర్సిటీ అధికారులు సైబర్ క్రైమ్ సెల్‌కు ఫిర్యాదు చేశారు.
పోలీసులు ట్రేస్ చేసి సెప్టెంబర్‌లో యాప్రాల్‌లోని సీతయ్యను అరెస్ట్ చేశారు. కలెక్టర్ కావాలని ప్రయత్నించిన ప్రతిభావంతుడు, చివరికి ఖైదీగా కస్టడీలో చేరాడు.