Whatsapp: మెటా యాజమాన్యంలోని వాట్సాప్ కొత్త యూజర్ నేమ్ ఫీచర్‌ను బీటా వర్షన్‌లో ప్రవేశపెట్టింది. దీనితో యూజర్లు ఇకపై తమ మొబైల్ నంబర్‌ను పంచుకోకుండా, ఇన్‌స్టాగ్రామ్ మాదిరిగే యూజర్ నేమ్‌తో చాట్ చేయగలరు. ఈ ఫీచర్ వ్యక్తిగత సమాచారాన్ని రక్షించడంలో, వ్యాపారాలు సురక్షితంగా సంభాషించడంలో సహాయపడుతుంది.
Whatsapp: WABetaInfo నివేదిక ప్రకారం, వాట్సాప్ యూజర్లు తమ ప్రొఫైల్ సెట్టింగ్‌ల నుండి నేరుగా యూజర్ నేమ్ సృష్టించవచ్చు. ఫోన్ నంబర్ అవసరం లేకుండా చాట్ చేయడానికి వీలుగా ఇది రూపొందించబడింది. వ్యాపారాలు లేదా ఆన్‌లైన్ పరిచయాల కోసం వ్యక్తిగత డేటాను పంచుకోవడంలో ఇష్టపడని వినియోగదారుల కోసం ఇది మరింత సౌకర్యవంతమైనది.
ఇది కూడా చదవండి: Treasure Discovery: సముద్ర గర్భం నుంచి బయటపడ్డ పురాతన నిధి..విలువ తెలిస్తే!
యూజర్ నేమ్ సృష్టించే నియమాలు: www. తో ప్రారంభించకూడదు. కనీసం ఒక అక్షరం ఉండాలి. అక్షరాలు, సంఖ్యలు మరియు అండర్ స్కోర్‌లను చేర్చవచ్చు. ఈ పరిమితులు యూజర్ నేమ్‌ను ప్రత్యేకంగా, ఫ్రెండ్లీగా ఉండేలా చేస్తాయి. యూజర్ నేమ్ సెట్ చేసిన తర్వాత, ఇతరులు ఫోన్ నంబర్ అవసరం లేకుండా చాట్ చేయవచ్చు.
ప్రస్తుతానికి ఈ ఫీచర్ ఆండ్రాయిడ్ బీటా వర్షన్‌లో పరిమిత సంఖ్యలో వినియోగదారులతో పరీక్ష జరుగుతోంది. త్వరలో మరిన్ని బీటా పరీక్షకులకు అందించబడుతుంది, ఆ తర్వాత ప్రపంచవ్యాప్తంగా రిలీజ్ చేయాలని వాట్సాప్ యోచిస్తోంది.