Andhra: తిరుపతి జిల్లాలో ఓ యువకుడి ప్రేమయాత్ర గద్దల కింద పడ్డట్లైంది. ప్రియురాలిని తన వశంలోకి తీసుకొచ్చేందుకు మాంత్రికుడి సహాయంతో వశీకరణ ప్రయత్నం చేసిన యువకుడు.. చివరకు గ్రామస్తుల చేతిలో దేహశుద్ధికి గురయ్యాడు. ఈ సంఘటన మల్లయ్యపల్లిలో ఆదివారం అర్ధరాత్రి చోటుచేసుకుంది.
Andhra: పెనుమూరుకు చెందిన సురేష్ అనే యువకుడు, చంద్రగిరిలో ఇంటర్ చదువుతున్న ఓ యువతిని ప్రేమించేవాడు. అయితే ఆమె తన ప్రేమను అంగీకరించకపోవడంతో మాంత్రికుడిని సంప్రదించాడు. మాంత్రికుడి సూచనల మేరకు అమావాస్య రాత్రి వశీకరణ పద్ధతులు పాటిస్తూ ప్రియురాలి ఇంటి వద్దకు వెళ్లాడు.
ఇది కూడా చదవండి: Odisha: 15 ఏళ్ల బాలికపై సామూహిక అత్యాచారం… గర్భవతిగా తేలడంతో సజీవంగా పాతిపెట్టే యత్నం
Andhra: అర్ధరాత్రి సమయంలో గోడ దూకే ప్రయత్నం చేసిన సురేష్‌ను ఇంట్లోని ముసలమ్మ గమనించి కేకలు వేసింది. వెంటనే గ్రామస్తులు అప్రమత్తమయ్యారు. ఆ యువకుడిని దొంగగా భావించి వెంటాడారు. తప్పించుకునే క్రమంలో రాళ్లు విసిరిన అతను, చివరకు ముళ్ల పొదల్లో దాక్కున్నాడు. అక్కడ పట్టుకుని విద్యుత్ స్తంభానికి కట్టేసి చావబాదారు. అతని వద్ద నల్లపౌడర్, తాయత్తులు, కత్తి లభించడంతో మరింతగా మండిపోయారు.
Andhra: ఈ క్రమంలో పోలీసులు అక్కడికి చేరుకొని పరిస్థితిని సమీక్షించారు. దొంగతనం కోసం కాకుండా ప్రేమ కోసం వశీకరణ ప్రయత్నంగా వచ్చినట్లు తెలిసింది. దీంతో సురేష్‌కు కౌన్సిలింగ్ ఇచ్చి, అతని కుటుంబ సభ్యులకు అప్పగించారు.
Andhra: ఈ ఘటన గ్రామస్థుల నిస్సహాయతను, ప్రేమ పేరుతో మారుతున్న యువత తత్వాన్ని మరోసారి బయటపెట్టింది. శాస్త్రపరమైన, న్యాయబద్ధమైన మార్గాలకన్నా మూఢనమ్మకాలపై ఆధారపడటం ఎలాంటి పరిణామాలకు దారితీస్తుందో ఈ సంఘటన ఘట్టంగా చాటింది.