Joe Root: సచిన్ రికార్డును బద్దలు కొట్టిన రూట్.. ఇక లక్ష్యం పాంటింగ్!

Joe Root: ఇంగ్లాండ్ స్టార్ బ్యాట్స్‌మెన్ జో రూట్, భారత క్రికెట్ దిగ్గజం సచిన్ టెండూల్కర్ హోమ్ టెస్ట్ పరుగుల రికార్డును చెరిపేశాడు. ఓవల్ వేదికగా భారత్‌తో జరుగుతున్న ఐదవ టెస్ట్‌లో కేవలం 29 పరుగులు చేసిన రూట్, సచిన్‌కి చెందిన అరుదైన రికార్డును అధిగమించి, మరో మైలురాయిని చేరుకున్నాడు.

స్వదేశంలో అత్యధిక పరుగులు చేసిన రెండో ఆటగాడిగా రూట్

Joe Root: ఈ మ్యాచ్‌తో రూట్ తన 84వ హోమ్ టెస్ట్ ఆడాడు. ఇప్పటి వరకు హోమ్ టెస్ట్‌ల్లో అతను మొత్తం 7224 పరుగులు చేశాడు. ఇదే సమయంలో సచిన్ టెండూల్కర్ తన 94 హోమ్ టెస్ట్‌ల్లో 7216 పరుగులు చేసిన సంగతి తెలిసిందే. అంటే, 10 టెస్ట్‌లు తక్కువ ఆడి కూడా రూట్ ఈ ఘనతను సాధించడం గమనార్హం.

ఇది కూడా చదవండి: PM Modi: వారణాసిలో ‘ఆపరేషన్ సిందూర్’ను తలచుకుని భావోద్వేగానికి లోనైన ప్రధాని మోదీ

ఇప్పుడు లక్ష్యం రికీ పాంటింగ్

Joe Root: ప్రస్తుతం హోమ్ టెస్ట్‌లలో అత్యధిక పరుగులు చేసిన ఆటగాడు ఆస్ట్రేలియా మాజీ కెప్టెన్ రికీ పాంటింగ్. అతను 92 హోమ్ టెస్ట్‌ల్లో 7258 పరుగులు చేశాడు. అంటే, రూట్ ఇప్పుడు పాంటింగ్ రికార్డుకు కేవలం 35 పరుగుల దూరంలో ఉన్నాడు. ఈ ఓవల్ టెస్ట్ రెండో ఇన్నింగ్స్‌లో అతను మరోసారి బరిలోకి దిగితే, టెస్ట్ చరిత్రలో హోమ్‌లో అత్యధిక పరుగులు చేసిన ఆటగాడిగా చరిత్ర సృష్టించే అవకాశం ఉంది.

హోమ్ టెస్ట్‌లలో టాప్ 5 బ్యాట్స్‌మెన్‌ లిస్టు

1. రికీ పాంటింగ్ – 92 మ్యాచ్‌లు, 7258 పరుగులు

2. జో రూట్ – 84 మ్యాచ్‌లు, 7224 పరుగులు

3. సచిన్ టెండూల్కర్ – 94 మ్యాచ్‌లు, 7216 పరుగులు

4. మహేల జయవర్ధనే – 81 మ్యాచ్‌లు, 7167 పరుగులు

5. జాక్వెస్ కాలిస్ – 88 మ్యాచ్‌లు, 7035 పరుగులు

ఇది కూడా చదవండి: PM Kisan: అకౌంట్లోకి రూ.2,000 జమ.. స్టేటస్ చెక్ చేసుకునే విధానం ఇదే!

ఓవల్ టెస్ట్ మ్యాచ్ పరిస్థితి

Joe Root: ఈ టెస్ట్ మ్యాచ్‌లో ఇంగ్లాండ్ తొలి ఇన్నింగ్స్‌లో 247 పరుగులకు ఆలౌట్ కాగా, భారత్ మాత్రం 224 పరుగులకే ఆలౌట్ అయ్యింది. అయితే రెండో ఇన్నింగ్స్‌లో భారత జట్టు చక్కటి ఆరంభం అందుకుంది. ఆట ముగిసే సమయానికి భారత్ 2 వికెట్లు కోల్పోయి 75 పరుగులు చేసింది. ఓపెనర్ యశస్వి జైస్వాల్ 51 పరుగులతో క్రీజులో ఉండగా, నైట్‌వాచ్‌మ్యాన్‌గా ఆకాశ్‌దీప్ అతనికి తోడుగా ఉన్నాడు. ప్రస్తుతం భారత్‌కు 52 పరుగుల ఆధిక్యం ఉంది.

రూట్‌కు గోల్డెన్ ఛాన్స్..

Joe Root: ఓవల్ పిచ్ బ్యాట్స్‌మెన్‌కు అనుకూలంగా మారుతుందని అంచనాలు ఉన్నాయి. అందుకే రూట్‌కు ఇది ఒక అద్భుత అవకాశంగా మారే అవకాశముంది. అతను రెండో ఇన్నింగ్స్‌లోనూ ఆడితే, రికీ పాంటింగ్ రికార్డును అధిగమించడం ఖాయం. ఇది కేవలం రికార్డ్ మాత్రమే కాదు, ఇంగ్లాండ్ క్రికెట్ చరిత్రలో ఒక మైలురాయిగా నిలుస్తుంది.

జో రూట్ ఫారమ్‌లో ఉన్నప్పుడు ఏ రికార్డునైనా బద్దలు కొట్టగలడు. పాంటింగ్ రికార్డును దాటి, హోమ్ టెస్ట్‌లలో అత్యధిక పరుగుల విజేతగా నిలిచే దిశగా అతని అడుగులు ముందుకుసాగుతున్నాయి.