ChatGPT: ఈ డిజిటల్ యుగంలో ఆర్టిఫిషియల్ ఇంటెలిజెన్స్ (AI) అనేది కేవలం సాంకేతిక విజ్ఞానం కాదు, ప్రజల దైనందిన జీవితాల్లో భాగంగా మారిపోయింది. AIలో అగ్రగామిగా నిలిచిన OpenAI సంస్థ రూపొందించిన ChatGPT, అత్యంత వేగంగా ప్రజాదరణ పొందిన చాట్‌బోట్‌గా నిలిచింది. ఇది జస్టు టైప్ చేసిన ప్రశ్నలకు సమాధానాలు చెప్పే సాధనం కాదు. ఇంతటి ప్రాచుర్యం పొందిన ఈ సాధనం ఇప్పుడు ప్రపంచవ్యాప్తంగా రోజుకు కోట్లాది ప్రశ్నలకు సమాధానాలు ఇస్తోంది.
ChatGPT: తాజా గణాంకాల ప్రకారం, ChatGPT రోజుకు సగటున 2.5 బిలియన్ ప్రశ్నలను (prompts) ప్రాసెస్ చేస్తోంది. ఇది విన్నవారిని ఆశ్చర్యానికి గురిచేస్తోంది. ప్రపంచవ్యాప్తంగా ప్రతి నిమిషానికి లక్షలాది మంది యూజర్లు ఈ చాట్‌బోట్‌ను ఉపయోగిస్తున్నారు. ఈ సంఖ్యలో 330 మిలియన్ ప్రాంప్ట్‌లు యునైటెడ్ స్టేట్స్‌ నుంచే వస్తున్నాయంటే, ఈ సాంకేతిక సాధన ప్రజలలో ఎంతగా వాడుకలో ఉందో అర్థం అవుతుంది.
ఇది కూడా చదవండి: PM Kisan: అకౌంట్లోకి రూ.2,000 జమ.. స్టేటస్ చెక్ చేసుకునే విధానం ఇదే!
ChatGPT vs Google – ఎవరి ఆధిపత్యం ఎక్కువ?
ChatGPT: ఇప్పుడు మనం చాలా సార్లు ChatGPTని Googleతో పోల్చుతూ వుంటాం. నిజానికి గూగుల్ అనేది ఇప్పటికీ ప్రపంచంలోనే అతిపెద్ద సెర్చ్ ఇంజిన్. గూగుల్‌లో రోజుకు సుమారు 14 నుండి 16 బిలియన్ సెర్చ్‌లు జరుగుతున్నాయి. ఇదే సమయంలో ChatGPT 2.5 బిలియన్ ప్రాంప్ట్‌లు ప్రాసెస్ చేస్తోంది. అంటే ఇంకా Google కంటే వెనుకగానే ఉన్నా, ChatGPT మాత్రం నిఖార్సైన సమాధానాలతో యూజర్ల మనసు గెలుచుకుంటోంది.
గతంలో ఓపెన్‌ఏఐ సీఈవో సామ్ ఆల్ట్‌మాన్ మాట్లాడుతూ, మొదట్లో ChatGPTకి రోజుకి 1 బిలియన్ ప్రాంప్ట్‌లు వచ్చేవని చెప్పారు. కానీ కేవలం 8 నెలల్లోనే ఈ సంఖ్య రెట్టింపై 2.5 బిలియన్కు చేరడం AI ప్రపంచంలో ఎలాంటి మార్పు చోటు చేసుకుందో స్పష్టంగా చెప్పగలుగుతుంది.
ఇది కూడా చదవండి: PM Modi: వారణాసిలో ‘ఆపరేషన్ సిందూర్’ను తలచుకుని భావోద్వేగానికి లోనైన ప్రధాని మోదీ
ChatGPT ప్రాచుర్యానికి ప్రధాన కారణం ఏంటి?
ChatGPT: ChatGPT విజయానికి ప్రధాన కారణాల్లో ముఖ్యమైనది GPT-4o మోడల్. ఇది అత్యంత శక్తివంతమైన మోడల్‌గా, వినియోగదారులకు అనుకూలంగా ఉండటంతో ప్రజలు దీనిని వాడడంలో మరింత ఆసక్తి చూపుతున్నారు. ఇది కేవలం సమాచారాన్ని ఇవ్వడం మాత్రమే కాదు, బ్లాగ్‌లు, కథలు, కోడ్, బిజినెస్ ఐడియాలపై కూడా సహాయం చేస్తోంది. ఈ మల్టీ-యూజ్ ఫీచర్లే దీన్ని Google సెర్చ్‌కు ప్రత్యామ్నాయంగా నిలబెడుతున్నాయి.
రాబోయే రోజుల్లో సెర్చ్ బార్ కంటే చాట్‌బాక్స్ హవా?
ChatGPT: ఈ గణాంకాల దృష్ట్యా భావిస్తే, రాబోయే రోజుల్లో ఇంటర్నెట్‌లో అడిగే ప్రశ్నలు ఎక్కువగా సెర్చ్ బార్‌లో కాదు, చాట్‌బాక్స్‌లలో అడిగే అవకాశం ఉందని నిపుణులు భావిస్తున్నారు. ఇది AI చాట్‌బాట్‌లు మరియు సెర్చ్ ఇంజిన్ల మధ్య పోటీని మరింత ఉధృతం చేసే అవకాశముంది.
ChatGPT ప్రజల మధ్య ఆదరణ పొందిన వేగాన్ని చూస్తే, ఇది కేవలం ఒక టెక్నాలజీ కాదు, ఒక నిత్యావసర సాధనంగా మారిపోయింది. రోజుకి 2.5 బిలియన్ ప్రశ్నలకు సమాధానాలు ఇవ్వడం అనేది ఏఐ సామర్థ్యానికి బలమైన నిదర్శనం. మీరు ఇప్పటికీ ChatGPT ఉపయోగించకపోతే, మీరు డిజిటల్ పరివర్తనలో వెనుకబడినట్లే!
మీరు ChatGPTని ఎలా వాడుతున్నారు? దేనికి ఎక్కువగా ఉపయోగిస్తున్నారు? మీ అభిప్రాయాలను కామెంట్స్‌లో పంచుకోండి.