AP Government: ఆంధ్రప్రదేశ్ రాష్ట్ర ప్రభుత్వం రాజధాని అమరావతి అభివృద్ధిలో ప్రజల భాగస్వామ్యాన్ని పెంచే లక్ష్యంతో మరో కీలకమైన నిర్ణయం తీసుకుంది. ఈ దిశగా రాజధాని ప్రాంత అభివృద్ధి సంస్థ (CRDA) ప్రత్యేకంగా రూపొందించిన వెబ్సైట్ ద్వారా ప్రజలకు డిజిటల్ విరాళాలు అందించే అవకాశాన్ని కల్పించింది. ఇప్పుడు ఎవరైనా crda.ap.gov.in వెబ్సైట్ ద్వారా అమరావతికి విరాళం ఇవ్వవచ్చు.
AP Government: ప్రత్యేకంగా రూపొందించిన “Donate for Amaravati” అనే ఫీచర్ ద్వారా యూజర్లు UPI ఆధారిత QR కోడ్‌ను స్కాన్ చేసి నేరుగా విరాళం చెల్లించగలుగుతారు. లావాదేవీ పూర్తిగా డిజిటల్ పద్ధతిలో, పారదర్శకంగా సాగుతుంది. ప్రజల విరాళాలు నేరుగా CRDA అధికారిక ఖాతాలోకి జమవుతాయి.
ఇది కూడా చదవండి: IND vs ENG 5th Test: నరాలు తెగిపోయే ఉత్కంట లో టీం ఇండియా ని గెలిపించిన హైదెరాబాదీ
AP Government: ఈ చర్య అంతా 2015లో జరిగిన “మై బ్రిక్ మై అమరావతి” ఉద్యమాన్ని గుర్తుచేస్తుంది. అప్పట్లో ఒక్కో ఇటుకకు రూ.10 చొప్పున ప్రజల నుంచి విరాళాలు స్వీకరించిన సందర్భం విశేషంగా గుర్తించబడింది. ప్రపంచవ్యాప్తంగా ఉన్న ప్రవాసాంధ్రులు కూడా లక్షల ఇటుకల విలువైన విరాళాలు ఇచ్చారు. తాజాగా తీసుకున్న ఈ నిర్ణయం కూడా అదే రీతిలో ప్రజల విశ్వాసాన్ని పునఃస్థాపించేందుకు ఉపయోగపడనుంది.
AP Government: విరాళం ఇవ్వాలనుకుంటే ప్రక్రియ చాలా సులభం. అధికారిక వెబ్సైట్ crda.ap.gov.in లోకి వెళ్లి “Donate for Amaravati” అనే ఆప్షన్‌ను క్లిక్ చేస్తే, యూపీఐ QR కోడ్ ప్రత్యక్షమవుతుంది. దాన్ని మొబైల్ ద్వారా స్కాన్ చేసి, తాము ఇష్టపడిన మొత్తాన్ని చెల్లించవచ్చు. పేమెంట్ పూర్తయ్యాక ఆ మొత్తం నేరుగా అమరావతి అభివృద్ధి ఖాతాలోకి జమ అవుతుంది.
AP Government: ఈ విధానం వల్ల ఎలాంటి పేపర్‌వర్క్ లేకుండానే ప్రతి ఒక్కరూ రాజధాని నిర్మాణంలో పాలుపంచుకునే అవకాశం పొందుతున్నారు. ప్రభుత్వం ఆశించేది కూడా ఇదే – ప్రజల నమ్మకం, మద్దతుతో ఒక విశ్వస్థాయి రాజధానిని నిర్మించడం. అమరావతి ప్రాజెక్ట్ చరిత్రలో ఇది ఒక కొత్త అధ్యాయం కావడం ఖాయం.
మీ ఇటుక – ఒక భవిష్యత్తు కట్టడం
మీ విరాళం – ఓ రాజధానికి పునాది
