Jio New Plan: రిలయన్స్ జియో మరోసారి బడ్జెట్ వినియోగదారుల కోసం కొత్త ప్రీపెయిడ్ ప్లాన్ను ప్రకటించింది. రూ.189 ధరతో లభించే ఈ కొత్త ప్లాన్ తక్కువ ఖర్చుతో తమ నంబర్‌ను యాక్టివ్‌గా ఉంచుకోవాలనుకునే కస్టమర్లకు అత్యంత ఉపయోగకరంగా ఉంటుంది.
ఈ ప్లాన్‌లో వినియోగదారులు 28 రోజుల వ్యాలిడిటీతో పాటు అపరిమిత కాల్స్‌, 2GB హై స్పీడ్ డేటా, 300 ఉచిత SMSలను పొందుతారు. తక్కువ డేటా వాడకంతో కాలింగ్‌పై ఆధారపడే వారికి ఇది సరైన ఆప్షన్.
OTT, డిజిటల్ స్టోరేజీ సౌకర్యాలు కూడా
Jio New Plan: జియో ఈ కొత్త ప్లాన్ కేవలం కాలింగ్, డేటా కోసం మాత్రమే కాకుండా OTT కంటెంట్‌ను ఇష్టపడే వారికి కూడా లాభదాయకంగా ఉంటుంది. ఈ ప్యాక్‌తో జియో టీవీ, జియో AI క్లౌడ్ వంటి సేవలకు ఉచిత యాక్సెస్ లభిస్తుంది. దీంతో ఎంటర్‌టైన్‌మెంట్‌, డిజిటల్ స్టోరేజీ అవసరాలను కూడా ఈ ఒక్క ప్లాన్ తీరుస్తుంది.
ఎయిర్‌టెల్ రూ.199 ప్లాన్‌తో పోల్చితే
జియో రూ.189 ప్యాక్‌కు పోటీగా ఎయిర్‌టెల్ రూ.199 ప్రీపెయిడ్ ప్లాన్ను అందిస్తోంది. ఇది కూడా 28 రోజుల వ్యాలిడిటీతో వస్తుంది. ఇందులో అపరిమిత కాలింగ్, 2GB డేటా, 300 SMSలతో పాటు నేషనల్ రోమింగ్ కూడా ఉచితంగా లభిస్తుంది. అదనంగా, ఎయిర్‌టెల్ కస్టమర్లకు రూ.17,500 విలువైన Perplexity AI సబ్‌స్క్రిప్షన్ ఉచితంగా ఇస్తుంది.
తేల్చి చెప్పాలంటే
జియో కొత్త రూ.189 ప్లాన్ తక్కువ ధరలో కాలింగ్, SMS, డేటా, OTT సౌకర్యాలను ఇస్తోంది. అదే సమయంలో ఎయిర్‌టెల్ రూ.199 ప్లాన్ అదనపు డిజిటల్ సబ్‌స్క్రిప్షన్‌తో ఆకట్టుకుంటోంది. బడ్జెట్ ప్రీపెయిడ్ వినియోగదారులకు ఈ రెండు ప్లాన్లు మంచి ఆప్షన్లుగా చెప్పుకోవచ్చు.