CM Revanth Reddy: తెలుగు చలనచిత్ర సీమకు మరో గర్వకారణం ఏర్పడింది. క్రియేటివ్ డైరెక్టర్ సుకుమార్ కూతురు సుకృతి వేణి బండ్రెడ్డి జాతీయ అవార్డు గెలుచుకుని అందరినీ ఆకట్టుకుంది. ఆమె నటించిన గాంధీ తాత చెట్టు చిత్రానికి గాను **ఉత్తమ బాలనటి (Best Child Artist)**గా ఎంపికైన సుకృతి వేణిని తెలంగాణ ముఖ్యమంత్రి రేవంత్ రెడ్డి సత్కరించారు.
CM Revanth Reddy: మల్లాది పద్మావతి దర్శకత్వంలో తెరకెక్కిన గాంధీ తాత చెట్టు సినిమాలో సుకృతి వేణి అద్భుతమైన నటన కనబరిచింది. తొలి సినిమాతోనే జాతీయ స్థాయిలో గుర్తింపు తెచ్చుకోవడం విశేషం. ఈ చిత్రంలో ఆనంద్‌ చక్రపాణి, రఘురామ్‌, భాను ప్రకాష్‌, నేహాల్‌ ఆనంద్‌ కుంకుమ, రాగ్‌ మయూర్‌ తదితరులు ముఖ్య పాత్రలు పోషించారు. మైత్రీ మూవీ మేకర్స్ బ్యానర్‌పై యెర్నేని నవీన్, రవిశంకర్ ఈ చిత్రాన్ని నిర్మించారు.
కేంద్ర ప్రభుత్వం ప్రకటించిన 71వ జాతీయ చలనచిత్ర పురస్కారాల్లో తెలుగు సినిమాలు 7 విభాగాల్లో అవార్డులు దక్కించుకున్నాయి.
- ఉత్తమ తెలుగు చిత్రం – భగవంత్ కేసరి (నందమూరి బాలకృష్ణ)
- రెండు అవార్డులు – హనుమాన్ (తేజ సజ్జా)
- ఉత్తమ స్క్రీన్‌ప్లే – సాయి రాజేష్ (బేబీ దర్శకుడు)
- ఉత్తమ గీత రచయిత – కాసర్ల శ్యామ్
- ఉత్తమ గాయకుడు – పి.వి.ఎన్.ఎస్. రోహిత్
- ఉత్తమ స్టంట్ కొరియోగ్రాఫర్ – నందు పృథ్వీ
- ఉత్తమ బాలనటి – సుకృతి వేణి (గాంధీ తాత చెట్టు)
జాతీయ అవార్డు గెలుచుకున్న సుకృతి వేణిని సీఎం రేవంత్ రెడ్డి సోమవారం సత్కరించారు. తొలి సినిమాతోనే నేషనల్ అవార్డు దక్కించుకోవడం అభినందనీయమని, పర్యావరణ పరిరక్షణ నేపథ్యంతో తెరకెక్కిన గాంధీ తాత చెట్టు సినిమా మంచి సందేశాన్ని అందించిందని సీఎం పేర్కొన్నారు. అవార్డు గెలిచిన చిత్రయూనిట్‌తో పాటు ఇతర విభాగాల్లో విజయం సాధించిన తెలుగు సినీ ప్రముఖులను కూడా ఆయన అభినందించారు.
View this post on Instagram