Telangana RTC: తెలంగాణ రాష్ట్ర రోడ్డు రవాణా సంస్థ (TSRTC) భక్తులకు శుభవార్తను అందించింది. ప్రముఖ పుణ్యక్షేత్రం శ్రీశైలం వెళ్లే వారికి ఇకపై సులభమైన బస్సు సౌకర్యం అందుబాటులోకి రానుంది. రాజీవ్‌ గాంధీ అంతర్జాతీయ విమానాశ్రయం (RGIA) సమీపంలోని క్రాస్ రోడ్స్ వద్ద కొత్తగా బోర్డింగ్ పాయింట్‌ను ఏర్పాటు చేసినట్టు ఆర్టీసీ ప్రకటించింది.
Telangana RTC: ఎయిర్‌పోర్ట్‌కు వచ్చే భక్తులు ముందుగా పుష్పక్ బస్సు సర్వీసుల ద్వారా RGIA క్రాస్ రోడ్స్‌కి చేరుకోవచ్చు. అక్కడి నుంచి నేరుగా ఆర్టీసీ బస్సుల్లో శ్రీశైలానికి ప్రయాణించేందుకు వీలుంటుంది. ఈ బోర్డింగ్ పాయింట్ నుంచి ప్రతి 20 నిమిషాలకు ఒక బస్సు అందుబాటులో ఉంటుందని ఆర్టీసీ ఎండీ సజ్జనార్‌ తెలిపారు.
భక్తులు ముందుగానే తమ సీటు రిజర్వేషన్ చేసుకోవడానికి ఆన్‌లైన్‌లో సౌకర్యం కల్పించారు. ఇందుకు సంబంధించి tgsrtcbus.in వెబ్‌సైట్‌లో బుకింగ్ చేసుకోవాలి. రిజర్వేషన్ సమయంలో RGIA క్రాస్ రోడ్ బోర్డింగ్ పాయింట్‌ను ఎంచుకోవాలని ఆర్టీసీ సూచించింది.
ప్రస్తుతం తెలంగాణ ఆర్టీసీ పలు పుణ్యక్షేత్రాలకు ప్రత్యేక బస్సు సర్వీసులను నడుపుతోంది. ఇప్పుడు శ్రీశైలం కోసం ప్రత్యేక సదుపాయం కల్పించడం వల్ల భక్తులకు ప్రయాణంలో మరింత సౌకర్యం కలిగే అవకాశం ఉంది. హైదరాబాద్ విమానాశ్రయం నుంచి నేరుగా శ్రీశైలం వెళ్లాలనుకునే భక్తులకు ఈ నిర్ణయం ఎంతో అనుకూలంగా మారనుంది.
శంషాబాద్ విమానాశ్రయం నుంచి ప్రసిద్ధ పుణ్యక్షేత్రం శ్రీశైలం వెళ్లే వారికి శుభవార్త.
భక్తుల సౌకర్యార్థం విమానాశ్రయానికి సమీపంలో ఉన్న RGIA క్రాస్ రోడ్స్ వద్ద కొత్తగా బోర్డింగ్ పాయింట్ ని #TGSRTC ఏర్పాటు చేసింది.
ఎయిర్ పోర్ట్ నుంచి పుష్పక్ బస్సుల్లో సమీపంలో ఉన్న RGIA బోర్డింగ్… pic.twitter.com/OhZ0PXe1JZ
— V.C. Sajjanar, IPS (@SajjanarVC) August 25, 2025