Teachers Day: “గురు బ్రహ్మ గురు విష్ణు గురు దేవో మహేశ్వరః” అంటూ భారతీయ సాంప్రదాయం గురువును సాక్షాత్ దైవంగా పూజిస్తుంది. మనిషి జీవితంలో అజ్ఞానాన్ని తొలగించి జ్ఞానాన్ని ప్రసాదించే ఉపాధ్యాయుడు సమాజానికి వెలుగునిచ్చే దివ్య దీపం. భారతదేశపు తొలి ఉపరాష్ట్రపతి, రెండవ రాష్ట్రపతి డాక్టర్ సర్వేపల్లి రాధాకృష్ణన్ పుట్టిన రోజు సందర్భంగా ప్రతి సంవత్సరం సెప్టెంబర్ 5న దేశవ్యాప్తంగా ఉపాధ్యాయ దినోత్సవం జరుపుకుంటారు. ఈ సందర్భంలో భారతీయ విద్యా రంగాన్ని ఉన్నత శిఖరాలకు చేర్చిన కొన్ని గొప్ప గురువులను స్మరించుకుందాం.
Teachers Day: భారతదేశపు అత్యుత్తమ విద్యావేత్తలలో ఒకరైన రాధాకృష్ణన్ తత్వశాస్త్రంలోని క్లిష్టమైన భావనలను కూడా సులభంగా అర్థమయ్యేలా వివరించారు. ఆయనకు బోధన ఒక పవిత్రమైన బాధ్యత. ఉపాధ్యాయులే నిజమైన దేశ నిర్మాతలు అని నమ్మిన దార్శనికుడు.
వివేకానంద విద్యార్థులకు ఆచరణాత్మక వేదాంతాన్ని పరిచయం చేశారు. గురుకుల విద్యా విధానాన్ని ప్రోత్సహించి, విద్యార్థుల సంపూర్ణ వ్యక్తిత్వ వికాసం కోసం కృషి చేశారు. ఆయన విద్యా సిద్ధాంతం నేటికీ ప్రాసంగికంగా ఉంది.
ఇది కూడా చదవండి: Donald Trump: భారత్‌కు మరోసారి ట్రంప్ వార్నింగ్.. రష్యా చమురు దిగుమతులపై హెచ్చరికలు
చంద్రగుప్త మౌర్యుడి ఆచార్యుడు, రాజకీయ, ఆర్థిక, ధార్మిక శాస్త్రాల పండితుడు అయిన చాణక్యుడు నేటికీ ఉపాధ్యాయులలో అత్యున్నత స్థానంలో నిలిచారు. ఆయన రచనలు, బోధనలు యుగయుగాల పాటు ప్రాముఖ్యతనిచ్చే జ్ఞాన సూత్రాలు.
భారతదేశపు తొలి మహిళా ఉపాధ్యాయురాలు సావిత్రిబాయి ఫూలే. 1848లో తన భర్తతో కలిసి బాలికల విద్య కోసం పాఠశాలను స్థాపించి, సమాజంలో విప్లవాత్మక మార్పుకు నాంది పలికారు. విద్యలో లింగ సమానత్వానికి మార్గం చూపిన పయనీర్ ఆమె.
మన జాతీయ గీత రచయిత, విశ్వ కవి రవీంద్రనాథ్ ఠాగూర్ శాంతినికేతన్, విశ్వభారతి విశ్వవిద్యాలయాన్ని స్థాపించారు. ఆయన విద్యా దృక్పథం తరగతి గదులను దాటి సంగీతం, నాటకం, క్రీడలు వంటి అనుభవాలను కలిపి, విద్యను జీవితంతో అనుసంధానించింది.
ఈ మహానుభావుల కృషి వల్లే భారతదేశ విద్యా వ్యవస్థ బలమైన పునాదిని పొందింది. ఉపాధ్యాయ దినోత్సవం అనేది కేవలం గురువులను స్మరించుకునే రోజు మాత్రమే కాదు, విద్య ద్వారా సమాజాన్ని మార్చే శక్తిని గుర్తు చేసే రోజు కూడా.