Nimisha Priya Case: యెమెన్‌లో మరణ శిక్షకు గురైన కేరళకు చెందిన నర్సు నిమిషా ప్రియ జీవితానికి తుది మలుపు రావాలని భారతదేశం అంతా వేచిచూస్తోంది. ఈ సంఘటన అంతర్జాతీయ స్థాయిలో చర్చనీయాంశంగా మారిన వేళ, ప్రస్తుతం చివరి ఆశగా మిగిలినది — బాధిత కుటుంబం క్షమించడమే. హూతీ నియంత్రణలో ఉన్న యెమెన్ చట్టాల ప్రకారం, మృతుని కుటుంబం క్షమించకపోతే శిక్షను మినహాయించే అవకాశం లేదు. ఇది నిజంగా ఒక “బ్లడ్ మనీ డిప్లొమసీ”గా మారింది.
Nimisha Priya Case: 2017లో తన వ్యాపార భాగస్వామిని హత్య చేసిన కేసులో నిమిషా ప్రియ యెమెన్ జైలులో ఖైదీగా ఉన్నారు. కోర్టు ఆమెకు ఉరిశిక్ష విధించగా, దానిని ఆపేందుకు ఇప్పటివరకు భారత్ ప్రయోజనాల పరంగా అనేక మార్గాల్లో ప్రయత్నిస్తోంది. అయినప్పటికీ, ప్రస్తుతానికి అందుబాటులో ఉన్న ఏకైక మార్గం బాధిత కుటుంబాన్ని ఒప్పించడమే. అందుకే ఈసారి షేక్ హబీబ్ ఉమర్ అధ్యక్షతన జరుగుతున్న సమావేశం నిర్ణాయకం కానుంది.
ఇది కూడా చదవండి: Andhra Telangana Water Dispute: తెలుగు రాష్ట్రాల జల వివాదం ఢిల్లీకి చేరింది.. ఇద్దరు సీఎంలు, ఒకే టేబుల్‌పై!
Nimisha Priya Case: ఈ చర్చల్లో యెమెన్ ప్రభుత్వ ప్రతినిధులు, కోర్టు సుప్రీం జడ్జి, హత్యకు గురైన తలాల్‌ సోదరుడు పాల్గొననున్నారు. నిమిషా ఇంటర్నేషనల్ యాక్షన్ కౌన్సిల్ ద్వారా కాంతపురం A.P. అబూబకర్ ముస్లియార్ జోక్యం చేసుకోవడం వల్ల చర్చలకు మార్గం సుగమమైంది. బ్లడ్ మనీ రూపంలో రూ. 8.6 కోట్లు చెల్లించేందుకు సన్నద్ధంగా ఉన్నప్పటికీ, తలాల్‌ కుటుంబం తమ గౌరవానికి భంగం కలుగుతుందని ఈ ఆఫర్‌ను తిరస్కరించడం కొంత ఆందోళన కలిగిస్తోంది.
Nimisha Priya Case: మరోవైపు, లీగల్ ఎయిడ్ కమిటీ ట్రస్ట్ సహాయంగా ముందుకొచ్చింది. గతంలో అబ్దుల్ రహీం కోసం సేకరించిన మొత్తాన్ని ఇప్పుడు నిమిషా కేసుకి ఇవ్వాలని భావిస్తున్నారు. ఇప్పటికే రెస్క్యూ ఫండ్‌కు భారీగా విరాళాలు వచ్చాయని అధికారిక వర్గాలు తెలిపాయి. ఈ మొత్తాన్ని పెంచితే కుటుంబం అభిప్రాయాన్ని మార్చవచ్చని భావిస్తున్నారు.
Nimisha Priya Case: భారత ప్రభుత్వం ఇప్పటికే తాము చేయగలిగిన ప్రతిదాన్ని చేసింది అని సుప్రీం కోర్టుకు తెలియజేసింది. దౌత్య పరిమితుల మధ్య ఈ చర్చలు ఇప్పుడు ఓ కీలక దశలోకి ప్రవేశించాయి. మానవతా విలువలు, మానవ జీవిత విలువపై అంతర్జాతీయ స్థాయిలో నిలిచే ఈ కేసు.. నిమిషా ప్రాణాలను కాపాడగలదా? అన్న ప్రశ్నపై అందరి చూపూ కేంద్రీకృతమవుతోంది.
