Australia: ఆస్ట్రేలియా రూపొందించిన తొలి కక్ష్య రాకెట్ ప్రయోగం ఆశించిన ఫలితాన్ని ఇవ్వకపోయినా, దీనిపై కంపెనీ సీఈవో చేసిన వ్యాఖ్యలు ప్రస్తుతం చర్చనీయాంశంగా మారాయి. గిల్మర్ స్పేస్ టెక్నాలజీస్ అభివృద్ధి చేసిన ఎరిస్ రాకెట్ ప్రయోగం కేవలం 14 సెకన్లలోనే విఫలమైంది. అయితే ప్రయోగం పూర్తిగా విఫలమైనప్పటికీ, సంస్థ మాత్రం దీన్ని విజయవంతమైన దశగా అభివర్ణించింది.
Australia: బుధవారం నాడు క్వీన్స్‌లాండ్‌లోని బోవెన్ సమీపంలోని స్పేస్ పోర్ట్ నుంచి ఎరిస్ రాకెట్ ప్రయోగించారు. ఇది 75 అడుగుల పొడవు కలిగి ఉంటుంది. ప్రయోగం మొదలైన కొద్ది సెకన్లలోనే రాకెట్ పైకి లేచి వెంటనే నేలపై కూలిపోయింది. దాంతో భయంకరమైన శబ్దంతోపాటు భారీ మంటలు, పొగలు చెలరేగాయి. ఈ దృశ్యం సోషల్ మీడియాలో వైరల్‌గా మారింది. రాకెట్ కూలిపోయే సమయంలో తీసిన వీడియోలు ఇప్పుడు లక్షల వ్యూస్ సంపాదిస్తున్నాయి.
ఇది కూడా చదవండి: AP News: కూతురిని చెరపట్టాలని యత్నించిన కసాయి తండ్రికి కోర్టు సంచలన తీర్పు!
Australia: ప్రయోగం అనంతరం గిల్మర్ స్పేస్ టెక్నాలజీస్ ఫేస్‌బుక్‌ పోస్టు పెట్టింది. ఇందులో రాకెట్ ప్రయోగం విజయవంతమైందని పేర్కొంది. “మా నాలుగు హైబ్రిడ్ ప్రొపెల్డ్ ఇంజిన్‌లు విజయవంతంగా మండించాయి. రాకెట్ మొత్తం 23 సెకన్ల ఇంజిన్ బర్న్ సాధించింది. అందులో 14 సెకన్ల పాటు ఎగిరింది. ఇది మాకు ఒక మైలురాయి” అని తెలిపింది.
Australia: సీఈవో ఆడమ్ గిల్మర్ మాట్లాడుతూ.. “ఇది ఒక మంచి ప్రారంభం. రాకెట్ లాంచ్‌ప్యాడ్‌ను విడిచి ఎగరడం కూడా ఒక విజయమే. ఇది మా కోసం ఆనందదాయకమైన ఘట్టం. ఇలాంటి ప్రయోగాల ద్వారా మనం అభ్యాసం పొందుతాం” అని అన్నారు. ఆయన వ్యాఖ్యలు ప్రజల మధ్య హాస్యం కలిగించాయి.
ఇది కూడా చదవండి: Telangana: కాళేశ్వరం కమిషన్ తుది నివేదికపై రాజకీయ వేడి.. తర్వాత ఏమవుతుందో?
Australia: ఈ ప్రయోగాన్ని మొదట మే నెలలో నిర్వహించాలనుకున్నారు. కానీ సాంకేతిక సమస్యలు, వాతావరణ పరిస్థితుల వల్ల జూలైకి వాయిదా వేసారు. చివరకు జూలై చివర్లో ప్రయోగం జరిగింది. ఈ రాకెట్ చిన్న ఉపగ్రహాలను కక్ష్యలోకి పంపేందుకు రూపొందించబడింది. ఇది పూర్తిగా స్వదేశీ పరిజ్ఞానంతో తయారుచేయబడిన తొలి ఆస్ట్రేలియా కక్ష్య రాకెట్ కావడం గమనార్హం.
ప్రయోగ ఫలితం ఎలా ఉన్నా.. గిల్మర్ స్పేస్ టెక్నాలజీస్ సంస్థను, వారి ఆత్మవిశ్వాసాన్ని మెచ్చుకోకుండా ఉండలేం. భవిష్యత్తులో మరిన్ని విజయవంతమైన ప్రయోగాలకు ఇది బీజం కావొచ్చని పరిశ్రమ నిపుణులు అభిప్రాయపడుతున్నారు.