RSS 100 years: రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) శతాబ్ది ఉత్సవాల సందర్భంలో మూడు రోజుల ప్రత్యేక లెక్చర్ సిరీస్ ప్రారంభమైంది. ఈ కార్యక్రమం ఆగష్టు 26న ఢిల్లీలోని విజ్ఞాన్ భవన్‌లో ప్రారంభమై మూడు రోజులు కొనసాగనుంది. “100 సంవత్సరాల సంఘ్ ప్రయాణం – కొత్త అవధులు” అనే ఇతివృత్తం చుట్టూ ఈ సదస్సు సాగనుంది.
మూడు రోజుల లెక్చర్ సిరీస్
RSS 100 years: ఈ సిరీస్‌లో సంఘ్ గత 100 సంవత్సరాల ప్రయాణం, సమాజంలో దాని పాత్ర, భవిష్యత్ కార్యాచరణలపై చర్చలు జరగనున్నాయి. వివిధ రంగాల ప్రముఖులు ఈ సదస్సులో పాల్గొని తమ అభిప్రాయాలను వ్యక్తం చేయనున్నారు.
శతాబ్ది ఉత్సవాల ప్రధాన వేడుక నాగ్‌పూర్‌లో
మరోవైపు 2025 అక్టోబర్ 2వ తేదీన దసరా నాడు ఆర్‌ఎస్‌ఎస్ స్థాపించి 100 సంవత్సరాలు పూర్తి కానున్నాయి. ఈ సందర్భంగా ఉదయం 7:40 గంటలకు నాగ్‌పూర్‌లోని రేషింబాగ్‌లో శతాబ్ది ఉత్సవాలను అంగరంగ వైభవంగా నిర్వహించనున్నారు. ఈ కార్యక్రమానికి భారత మాజీ రాష్ట్రపతి రామ్ నాథ్ కోవింద్ ముఖ్య అతిథిగా హాజరవుతారు. ఆర్‌ఎస్‌ఎస్ చీఫ్ మోహన్ భగవత్ కీలక ప్రసంగం చేయనున్నారు.
సంఘ్ శతాబ్ది వేడుకల భాగంగా జరుగుతున్న మూడు రోజుల సదస్సు లైవ్ అప్‌డేట్స్, వీడియోలు ఇప్పటికే ఆన్‌లైన్‌లో అందుబాటులోకి వచ్చాయి. భక్తులు, అనుచరులు, ఆసక్తిగల వారు ఈ వీడియోలను వీక్షిస్తూ శతాబ్ది ఉత్సవాల్లో భాగస్వాములవుతున్నారు.