Viral Video: ఢిల్లీ మెట్రోలో మరోసారి విచిత్ర ఘటన చోటుచేసుకుంది. సాధారణంగా ట్రాఫిక్‌ సమస్యలతో అలసిపోయిన ప్రజలు మెట్రోను విశ్వసనీయమైన రవాణా మార్గంగా భావిస్తారు. అయితే కొన్నిసార్లు చిన్న విషయాలే పెద్ద గొడవలకు దారితీస్తాయి. తాజాగా ఒక సీటు కోసం ఇద్దరు మహిళల మధ్య చోటుచేసుకున్న ఘర్షణ నెట్టింట్లో వైరల్‌గా మారింది.
Viral Video: వీడియోలో ఒక మహిళ మెట్రో సీటుపై కూర్చుని ఉండగా, మరో యువతి నల్లటి దుస్తులు ధరించి దూకుడుగా వ్యవహరిస్తున్నట్లు కనిపించింది. మాటల తూటాలు తూటాల్లా విరుచుకుపడుతూ, ఆ యువతి “నేను జడ్జి కూతుర్ని.. వదలను” అంటూ రుబాబ్ ప్రదర్శించింది. అక్కడ ఉన్న మరో ప్రయాణికుడు, మహిళ, ఒక పోలీసు కూడా ఆమెను శాంతింపజేయడానికి ప్రయత్నించినా.. యువతి ఆగ్రహం తగ్గలేదు.
సీటుపై కూర్చున్న మహిళ మాత్రం తాను తప్పుగా ఏమీ మాట్లాడలేదని పదే పదే చెబుతూ, ఘర్షణ పెరగకుండా తగ్గించేందుకు యత్నించింది. కానీ మరో మహిళ మాత్రం పూర్తిగా కోపంతో ప్రవర్తించడం, తనను తాను ఉన్నతస్థానంలో ఉన్నవారిలా చూపించడం ప్రజల్లో చర్చనీయాంశమైంది.
ఈ వీడియోను Xలో @gharkekalesh అనే అకౌంట్ షేర్ చేయగా, ఇప్పటికే వేలాది మంది వీక్షించారు. నెటిజన్లు “మెట్రోలో ప్రయాణం అంటే సహనం, మర్యాదతో ఉండాలి.. కానీ ఇలాంటి ప్రవర్తనతో సమస్యలు పెరుగుతాయి” అంటూ కామెంట్లు చేస్తున్నారు.
ఈ సంఘటన మరోసారి చూపించింది ఏమిటంటే, ప్రయాణంలో ఓర్పు, సహనం అనేవి అత్యవసరం. లేకపోతే చిన్న సీటు కోసం కూడా పెద్ద సిగపట్లు పడవచ్చు.
Kalesh b/w 2 ladiez inside delhi metro over a seat issue.
pic.twitter.com/P8Kkad2Ncx— Ghar Ke Kalesh (@gharkekalesh) August 30, 2025
