High Court: అలిపిరి నుంచి తిరుమలకు వెళ్లే నడక దారిలో భక్తులను వన్యమృగాల దాడుల నుంచి రక్షించేందుకు ఆంధ్రప్రదేశ్ హైకోర్టు కీలక ఆదేశాలు జారీ చేసింది. వైల్డ్‌లైఫ్ ఇన్‌స్టిట్యూట్ ఆఫ్ ఇండియా (WII), అటవీ శాఖ, తిరుమల తిరుపతి దేవస్థానం (TTD) సంయుక్త కమిటీ చేసిన సిఫార్సులను ఈ ఏడాది నవంబర్ లోగా తప్పనిసరిగా అమలు చేయాలని TTD ఈవోకి ధర్మాసనం స్పష్టం చేసింది.
High Court: హైకోర్టు సూచనల ప్రకారం, కమిటీ ఇచ్చిన సిఫార్సుల అమలును పర్యవేక్షించే బాధ్యతను అదే కమిటీకి అప్పగిస్తామని స్పష్టం చేసింది. అంతేకాకుండా, ఇటీవల చిరుత దాడిలో ప్రాణాలు కోల్పోయిన చిన్నారి తల్లిదండ్రులకు మరిన్ని ₹15 లక్షల పరిహారం ఇవ్వాలనే అంశాన్ని పరిశీలించాలని కూడా TTDకి సూచించింది. ఈ కేసు తదుపరి విచారణను డిసెంబర్ 24కు వాయిదా వేసింది.
ఇది కూడా చదవండి: BSNL Offer: ప్రత్యేక ఆఫర్‌ పొడిగింపు.. కేవలం ₹1కే 30 రోజుల వ్యాలిడిటీ, రోజుకు 2GB డేటా, అన్‌లిమిటెడ్ కాల్స్
ఇప్పటికే 2023లో ఒక పిల్‌ దాఖలవగా, భక్తుల ప్రాణ రక్షణ కోసం అలిపిరి నుంచి తిరుమల వరకు నడక దారిలో ఇరువైపులా ఇనుపకంచె ఏర్పాటు చేయాలని కోరారు. దీనిపై వాదనలు వినిపించిన TTD తరఫు న్యాయవాది, అటవీ ప్రాంతాల దగ్గర వన్యమృగాలు ప్రవేశించకుండా కొన్ని ప్రదేశాల్లో ఇప్పటికే కంచెలు ఏర్పాటు చేశామని కోర్టుకు తెలిపారు.
అయితే హైకోర్టు మరింత కఠినంగా స్పందించి, భక్తుల భద్రతకు పూర్తి స్థాయిలో చర్యలు తీసుకోవాలని ఆదేశించింది. అలిపిరి నుంచి తిరుమల వరకు నడకమార్గం మొత్తం ఇరువైపులా ఇనుప కంచె ఏర్పాటు చేసి భక్తులకు రక్షణ కల్పించాల్సిందేనని స్పష్టం చేసింది.