Gold & Silver: పండుగ సీజన్‌లో బంగారం, వెండి ధరలపై ఎక్కువ మంది ఆసక్తి చూపుతున్నారు. కేడియా క్యాపిటల్ వ్యవస్థాపకుడు అజయ్ కేడియా ప్రకారం, రాబోయే 3–4 నెలల్లో బంగారం ధరలు స్వల్పంగా తగ్గే అవకాశం ఉంది. అయితే, భౌగోళిక రాజకీయ పరిస్థితులు మారితే, ధరలు పెరగడానికి అవకాశముంది.
Gold & Silver: వెండి ధరల విషయంలో మాత్రం పరిస్థితి భిన్నంగా ఉంది. డిమాండ్ ఎక్కువగా ఉన్నందున, రాబోయే రోజుల్లో వెండి ధరలో గణనీయమైన తగ్గుదల కనిపించకపోవచ్చని అజయ్ కేడియా తెలిపారు.
ఇది కూడా చదవండి: Tollywood Actress: సూర్యతో బ్లాక్ బస్టర్ తర్వాత డైరెక్టర్ను పెళ్లి చేసుకున్న ముద్దుగుమ్మ ఇప్పుడు ఇలా…
సెప్టెంబర్ 26న ఢిల్లీ బులియన్ మార్కెట్లో 10 గ్రాముల 24 క్యారెట్ల బంగారం ధర రూ.1,16,700గా ఉంది. 1 కిలో వెండి ధర రూ.1,41,700గా నమోదైంది. గత ఏడాది బంగారం, వెండి 50 శాతం పైగా రాబడిని ఇచ్చాయని, ప్రస్తుతం బంగారం విలువ ఎక్కువగా ఉండటం వల్ల స్వల్ప తగ్గుదలే కనిపించవచ్చని ఆయన అన్నారు.
అలాగే, భౌగోళిక రాజకీయ సంఘటనలు, భారత్-పాకిస్తాన్ ఉద్రిక్తతలు, రష్యా-ఉక్రెయిన్ యుద్ధం వంటి అనిశ్చిత పరిస్థితులు బంగారం, వెండి ధరలకు ప్రభావం చూపుతాయని ఆయన వివరించారు. ఈ కారణంగా పెట్టుబడిదారులు స్టాక్ మార్కెట్‌ బదులు సురక్షిత పెట్టుబడిగా బంగారంలో ఎక్కువగా ఆసక్తి చూపుతారని కూడా చెప్పారు.
మొత్తానికి, దీపావళి నాటికి బంగారం కొంత తగ్గే అవకాశం ఉన్నా, వెండి ధరలు స్థిరంగా ఉంటాయని అజయ్ కేడియా భావిస్తున్నారు.