Viral Video: ఉత్తరప్రదేశ్‌లోని గోరఖ్‌పూర్‌లో ఒక ప్రేమజంట బైక్‌పై ప్రయాణిస్తున్న వీడియో ప్రస్తుతం సోషల్ మీడియాలో వైరల్‌గా మారింది. బైక్ నడుపుతున్న యువకుడిని యువతి బైక్ ట్యాంక్‌పై కూర్చుని బిగువుగా హత్తుకోవడం, ట్రాఫిక్ నియమాలను పట్టించుకోకపోవడం వీడియోలో స్పష్టంగా కనిపించింది. ఈ సంఘటనపై నెటిజన్ల మధ్య తీవ్ర చర్చ జరుగుతోంది.
Viral Video: ప్రేమలో ఉన్నవారికి ప్రపంచం మరిచిపోతారనే మాట ఈ ఘటనను చూసిన తర్వాత నిజమేనని అనిపిస్తుంది. బహిరంగ ప్రదేశాల్లో కొంతమంది ప్రేమజంటలు ఇబ్బందికరంగా ప్రవర్తించడం కొత్త విషయం కాదు. కానీ రోడ్డు మీద బైక్‌పై ప్రయాణిస్తూ ఇలాంటి వ్యవహారాలు చేయడం మాత్రం తీవ్ర విమర్శలకు గురవుతోంది.
సమాచారం ప్రకారం, ఈ వీడియో గోరఖ్‌పూర్‌లోని రామ్‌ఘర్ తాల్ ప్రాంతానికి వెళ్తున్నప్పుడు రికార్డ్ చేయబడింది. బైక్ నడుపుతున్న యువకుడిని యువతి ట్యాంక్‌పై కూర్చుని కౌగిలించుకోవడం, ఇద్దరూ ఒకరినొకరు చూసుకుంటూ నవ్వుకోవడం వీడియోలో కనిపించింది. ఆ సమయంలో అక్కడ ఉన్నవారు ఈ దృశ్యాన్ని మొబైల్‌లో చిత్రీకరించి సోషల్ మీడియాలో షేర్ చేశారు.
ఈ వీడియోను ఆగస్టు 23న @Mithileshdhar అనే ఖాతా ట్విట్టర్‌లో (X) షేర్ చేసింది. అప్పటి నుంచి వీడియో విస్తృతంగా షేర్ అవుతూ వివాదాస్పదంగా మారింది. ట్రాఫిక్ నియమాలు, భద్రతను పక్కన పెట్టి ఇలాంటివి చేయడం వల్ల ప్రాణాలకు ముప్పు వాటిల్లే అవకాశం ఉందని నెటిజన్లు హెచ్చరిస్తున్నారు.
ये कपल गोरखपुर में बाइक से सैर कर रहा था। एक दूसरे से फेस-टू-फेस बात करने का ये तरीका बेहतर है। फिर भी पता नहीं क्यों पुलिस ने इनका 2500 रुपए का चालान काट दिया। pic.twitter.com/tG2uaghF6i
— Bhadohi Wallah (@Mithileshdhar) August 23, 2025
ప్రేమలో మునిగిపోవడం సహజమే అయినా, ప్రజా ప్రదేశాల్లో బాధ్యతారహితంగా ప్రవర్తించడం మాత్రం సరైంది కాదని నెటిజన్లు కామెంట్లు చేస్తున్నారు. ఈ వీడియో యువతకు ఒక హెచ్చరికగా మారిందని చాలామంది అభిప్రాయపడుతున్నారు.